26 Верасень, серада

Вы тут

Беларусь заўсёды была добрым транзiтным акном для ЕС


Беларусь заўсёды была добрым транзiтным акном для ЕС, але зваротнай сувязi пакуль не вiдаць.

Такое меркаванне выказаў Аляксандр Лукашэнка на сустрэчы з еўракамiсарам па еўрапейскай палiтыцы суседства i перагаворах аб пашырэннi Еўрапейскага саюза Ёханесам Ханам.


Кiраўнiк дзяржавы падкрэслiў: нягледзячы на цяжкасцi, Беларусь нiколi не была перашкодай для прасоўвання Еўрасаюза на ўсход - у Расiю, Кiтай, Японiю. Беларусь заўсёды была добрым транзiтным акном для Еўрапейскага саюза, не было забарон з беларускага боку на перамяшчэнне тавараў, рабочай сiлы, капiталу, развiццё бiзнесу, дадаў ён.

"На жаль, спадар Хан, мы гэтага не бачым з боку Еўрапейскага саюза, - канстатаваў беларускi лiдар. - Я хачу, каб вы разумелi: мы будзем настойваць на тым, каб Еўрапейскi саюз сапраўды гэтак адкрываўся для нас, як мы адкрыты для вас".

На думку кiраўнiка дзяржавы, гэта галоўная праблема i галоўнае пытанне, таму што эканомiка, гандлёва-эканамiчныя адносiны, свабода ў шырокiм сэнсе слова, пра якую дбае Еўрасаюз, - гэта асноўныя прынцыпы, на якiх грунтуецца тая цi iншая дзяржава.

Прэзiдэнт таксама дадаў, што на цяперашнi момант беларускi бок рыхтуе дакументы партнёрства з ЕС, што павiнна быць асновай. "Не проста размовы пра дэмакратыю, свабоду слова, палiтзняволеных, адмену смяротнага пакарання - гэта само сабой, мы не здымаем гэта з парадку дня, мы смела i адкрыта пра гэта кажам, - нагадаў еўрапейскаму прадстаўнiку беларускi лiдар. - Але асновай з'яўляюцца нашы гандлёва-эканамiчныя, фiнансавыя адносiны. Калi мы будзем бачыць у адносiнах з Еўрапейскiм саюзам гэта, то можам смялей iсцi i на трансфармацыю, рэфармаванне нашага палiтычнага ладу".

Аляксандр Лукашэнка адзначыў, што калi нешта трансфармаваць, то ўсё разам - паступова i плаўна, не забываючы пра эканомiку i жыццi людзей, што i павiнна легчы ў аснову. У якасцi прыкладу падобнай палiтыкi Прэзiдэнт назваў "Усходняе партнёрства" - i няхай удзел Беларусi ў iм падабаецца не ўсiм, аднак беларускi бок строга прытрымлiваецца лiнii дамоўленасцяў. Чаму наша краiна iдзе на супрацоўнiцтва ў рамках "Усходняга партнёрства"? Таму што Беларусь прапануе канкрэтныя рэгiянальныя эканамiчныя праекты, патрэбныя як Еўрасаюзу, нашай краiне, так i ўсходнiм суседзям.

Акрамя таго, Прэзiдэнт падзякаваў еўракамiсару за ўдзел у палiтычным i эканамiчным развiццi Беларусi i адзначыў, што яго роля значная перш за ўсё таму, што асноўныя партнёры нашай краiны - ЕС i Расiя. На яго думку, тое, што ў нас працягваецца нармалiзацыя адносiн з ЕС, якiя, напэўна, ужо выйшлi на нейкi ўзровень стабiльнасцi, - гэта велiзарная заслуга Ёханеса Хана.

"Выбудоўваючы нашы адносiны з Еўрапейскiм саюзам - а гэта, мы нi ад кога не ўтойваем, наш найблiжэйшы сусед, а з суседзямi, паколькi яны ад бога, трэба сябраваць i выбудоўваць партнёрскiя адносiны, - выбудоўваючы гэтыя адносiны, мы нi ў якiм разе не спяшалiся, не абяцалi вам таго, што не можам зрабiць", - сказаў беларускi лiдар.

Аляксандр Лукашэнка дадаў, што ў сiлу трансфармацый, якiя адбываюцца у Беларусi i ЕС, бакi прыйшлi да высновы, што "нядобра нам глядзець адно на аднаго праз агароджу i жыць скоса гледзячы адно на аднаго". Кiраўнiк дзяржавы таксама нагадаў, што бакi вырашылi iсцi насустрач, аднаўляць сяброўскiя i партнёрскiя адносiны.

"Мы не прасiлiся ў Еўрасаюз, - падкрэслiў беларускi лiдар. - Напэўна, гэта абсурдна, нерэальна, але мы хацелi б, каб у нас з Еўрапейскiм саюзам былi такiя адносiны, якiм бы можа быць пазайздросцiлi нават члены ЕС. I калi Еўрапейскi саюз на гэта гатовы - мы свой шлях гатовыя прайсцi".

"Мы з вамi як вопытныя палiтыкi выдатна разумеем, што лепш апярэджваць нейкiя падзеi, лепш самiм аднаўляць i ўстанаўлiваць цесныя i добрыя адносiны. Горш, калi гэта адбываецца пад цiскам нейкiх абставiн, нейкiх падзей, - сказаў Аляксандр Лукашэнка. - Таму нам трэба мэтанакiравана, смела i адкрыта iсцi насустрач адно аднаму. Без цiску абставiн - вы разумееце, пра што iдзе гаворка".

Ёханес Хан адзначыў, што ён цалкам згодны з тым, што за апошнiя гады бакам удалося выбудаваць даверныя адносiны, паколькi толькi на такой аснове магчыма дасягнуць чагосьцi канкрэтнага ў iнтарэсах грамадзян.

"Маё бачанне - гэта стварэнне пояса дабрабыту ў рамках Еўрапейскага саюза i еўрапейскага партнёрства, - сказаў еўракамiсар. - Таму што менавiта гэта будзе служыць найлепшай гарантыяй для нашай бяспекi i стабiльнасцi".

На думку Ёханеса Хана, гэтага можна дасягнуць толькi пры паляпшэннi эканамiчнай сiтуацыi, паколькi развiццё эканомiкi заўсёды азначае i развiццё грамадства, i развiццё краiны. "Мы па-ранейшаму бачым, што iснуе значная рознiца памiж узроўнем эканомiкi ў ЕС i дзяржавах - суседзях Еўрасаюза - i гэта тое пытанне, якое мы хацелi б вырашыць. Такая рознiца - гэта нядобра, гэтым пытаннем сапраўды трэба займацца".

Дарэчы, мэта вiзiту Ёханеса Хана - удзел у дзясятай сесii нефармальнага дыялогу мiнiстраў замежных спраў i мiнiстраў па справах лiчбавых тэхналогiй краiн "Усходняга партнёрства". З боку Еўрасаюза ў мерапрыемстве таксама прымуць удзел еўрапейскi камiсар па лiчбавай эканомiцы i лiчбавым грамадстве Марыя Габрыэль, а таксама намеснiк генеральнага сакратара Еўрапейскай службы знешнiх дзеянняў Жан-Крыстоф Бельяр. Праграмай знаходжання таксама запланаваны перагаворы Ёханеса Хана з мiнiстрам замежных спраў Беларусi Уладзiмiрам Макеем.

Еўрасаюз з'яўляецца другiм па значнасцi рынкам для беларускага экспарту. У студзенi - красавiку 2018 года беларускi экспарт у ЕС склаў $3,6 мiльярда, што на 66,6 % больш, чым за той жа перыяд мiнулага года. Iмпарт - $2,3 млрд - павялiчыўся на 22,6 %. Сальда - станоўчае ў памеры $1,3 млрд.

Уладзiслаў ЛУКАШЭВIЧ

Фота БЕЛТА

Загаловак у газеце: Рух у абодвух напрамках

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.