Атмасферны фронт, які змяшчаецца з Заходняй Еўропы, прынясе ў нашу краіну навальнічныя дажджы і выцесніць цёплае паветра за яе межы. Услед за ім на тэрыторыю Беларусі пачнуць паступаць паветраныя масы з паўночнага захаду Еўропы, і ў гэтыя выхадныя тэмпературны фон істотна панізіцца, перадае Белгідрамет.
У ноч на суботу пад уплывам атмасферных франтоў па паўднёвым усходзе краіны, а днём на большай частцы тэрыторыі чакаюцца дажджы. Раніцай і ўдзень у некаторых паўднёва-ўсходніх раёнах дажджы моцныя. Месцамі магчымыя навальніцы. Тэмпература паветра ўначы складзе 6—12 цяпла, па паўднёвым усходзе краіны — плюс 13—14 градусаў. Удзень будзе не вышэй за 13—19 цяпла, толькі па паўднёвым захадзе крыху цяплей — да плюс 21 градуса. Захаваецца халаднаватае няўстойлівае надвор'е і ў нядзелю. На большай частцы тэрыторыі пройдуць кароткачасовыя дажджы, у некаторых раёнах на паўночным усходзе чакаюцца моцныя ліўні. Днём месцамі магчымыя навальніцы. Тэмпература паветра ўначы складзе ад плюс 6 да плюс 11 градусаў, удзень — 14—21 цяпла.
Паводле папярэдніх прагнозаў айчынных сіноптыкаў, у панядзелак уначы ў некаторых раёнах, а ўдзень на большай частцы тэрыторыі пройдуць кароткачасовыя дажджы. Днём месцамі магчымыя навальніцы. Тэмпература паветра ўначы складзе ад плюс 5 да плюс 12 градусаў. Удзень будзе ў асноўным ад 14 да 21 цяпла, па поўдні краіны месцамі паветра прагрэецца да плюс 23 градусаў.
Сяргей КУРКАЧ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.