Вы тут

Лукашэнка не выключае продажу сельгаспрадпрыемстваў прыватнікам


Прэзідэнт Беларусі Аляксандр Лукашэнка не выключае продажу сельгаспрадпрыемстваў прыватнікам, але на жалезных умовах. Аб гэтым ён заявіў сёння на нарадзе ў Шклоўскім раёне.


Кіраўнік дзяржавы адзначыў, што за мінулыя пяцігодкі ўдалося выратаваць, аднавіць і развіць аграсектар у Беларусі, забяспечыць харчовую бяспеку краіны, стварыць аграгарадкі, забяспечыць неабходныя сацыяльныя ўмовы для жыцця людзей у вёсцы.

"Прайшло амаль 15 гадоў пасля таго, як была прынята праграма мадэрнізацыі нашай вёскі і АПК. Сёння паўстала пытанне, а што далей, як жыць далей. Я не прыхільнік, каб прыватызаваць калгасы і саўгасы. Але, думаю, на мяне вяскоўцы не пакрыўдзяцца, калі я буду кропкава прымаць рашэнні аб прыватызацыі - прадаваць, пускаць прыватніка ў сельскую гаспадарку, - сказаў Аляксандр Лукашэнка. - Таму што 20 гадоў я вам даў часу - вызначайцеся. І той, хто хоча працаваць на зямлі без "памешчыка", той сёння працуе. А хто не хоча, ну ўжо выбачайце. Дзяржава на плячах не можа вас несці або не павінна несці".

"Таму мы не супраць, каб сюды прыйшоў прыватны капітал. Але пад жалезную ўмову. І мая жалезная ўмова - каб тут не быў пакрыўджаны чалавек. Ён павінен прыходзіць на работу, тэхналагічна забяспечваць працэс, атрымліваць дастойную зарплату", - заявіў Прэзідэнт.

БЕЛТА

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.