Вы тут

Прыярытэты партнёрства


У сталіцы 21—22 чэрвеня прайшоў дзясяты раўнд нефармальных міністэрскіх дыялогаў краін — удзельніц ініцыятывы Еўрапейскага саюза «Усходняе партнёрства». Удзельнікі сустрэчы абмеркавалі шляхі рэалізацыі 20-ці задач да 2020 года і фінансаванне адпаведных праектаў і праграм.


У мерапрыемстве ўдзельнічалі міністры замежных спраў Беларусі, Азербайджана, Арменіі, намеснік міністра Грузіі, дзяржаўны сакратар Міністэрства замежных спраў і еўрапейскай інтэграцыі Малдовы і пасол Украіны ў Беларусі. Бок Еўрасаюза прадстаўлялі еўракамісар па еўрапейскай палітыцы суседства і перагаворах аб пашырэнні ЕС і намеснік Генеральнага сакратара Еўрапейскай службы знешніх дзеянняў. Кіраўнік беларускага знешнепалітычнага ведамства Уладзімір Макей і еўракамісар Ёханес Хан правялі прэс-канферэнцыю па выніках перагавораў.

Уладзімір Макей адзначыў, што «Усходняму партнёрству» належыць развівацца ў неканфрантацыйнным ключы: «Яно не павінна быць накіравана супраць інтарэсаў трэціх краін. Беларусь зацікаўлена ў выкарыстанні канструктыўнага патэнцыялу «Усходняга партнёрства» для пераадолення раздзяляльных ліній і аднаўлення даверу». Таксама міністр замежных спраў падкрэсліў, што беларускі бок выступае за прамы дыялог ЕС і ЕАЭС з перспектывай фарміравання стабільнай і квітнеючай агульнай эканамічнай прасторы

Міністр звярнуў увагу, што ўдзел нашай краіны ў гэтай ініцыятыве разглядаецца, як неад'емная частка агульнага супрацоўніцтва з Еўрапейскім саюзам. У цэлым гандлёва-эканамічнае ўзаемадзеянне з Еўрапейскім саюзам змянілася ў станоўчы бок, і летась тавараабарот павялічыўся больш чым на 20 %. Па словах Уладзіміра Макея, значна палепшылася супрацоўніцтва з фінансавымі інстытутамі ЕС — Еўрапейскім інвестыцыйным банкам і Еўрапейскім банкам рэканструкцыі і развіцця.

Ёханес Хан паведаміў, што да канца гэтага года плануецца падпісаць пагадненне аб прыярытэтах партнёрства Беларусі і Еўрасаюза. Яно, у прыватнасці, умацуе эканамічныя адносіны паміж партнёрамі.

Надзея АНІСОВІЧ

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.