Вы тут

Дар'я Домрачава завяршае сваю спартыўную кар'еру


Чатырохкратная Алімпійская чэмпіёнка па біятлоне Дар'я Домрачава паведаміла аб завяршэнні сваёй спартыўнай кар'еры. Пра гэта яна расказала падчас прэс-канферэнцыі, якая прайшла ў штаб-кватэры НАК. Яна заявіла, што гэтае рашэнне ёй далося нялёгка. Цяпер увесь вольны час яна плануе пераключыць на сям'ю.


«Увесь час пасля заканчэння сезона я спрабавала знайсці кампраміс, каб выхоўваць дзіця і сумяшчаць гэта з прафесійнай кар'ерай. Аптымальнага рашэння, якое дазволіла б сумяшчаць дзве гэтыя важныя для мяне сферы жыцця я, на жаль, не змагла знайсці. Гэта рашэнне абдуманае і нялёгкае, але я завяршаю сваю спартыўную кар'еру», — паведаміла Дар'я Домрачава.

Падводзячы вынікі сваёй спартыўнай кар'еры, яна адзначыла, што не магла і марыць пра рэзультаты, якіх удалося дасягнуць.

«Для мяне заўсёды галоўнай мэтай было працаваць і паказваць свой максімум. Усе хараство спорту, асабліва біятлона, у яго непрадказальнасці. Я завяршаю сваю спартыўную кар'еру з вельмі добрымі адчуваннямі. Вядома, можна вяртацца і ўспамінаць тыя спаборніцтвы, дзе нешта не атрымалася, але ўвогуле і цэлым я задаволеная тым, як усё для мяне складалася», - расказала Дар'я Домрачава.

Паводле яе слоў, Прэзідэнт краіны ўжо ў курсе яе рашэння. «Я пастаралася апавясціць усіх, тых людзей, хто блізкі да маёй спартыўнай кар'еры. Мне б самой хацелася выступаць, але ўсе мы разумеем, што такое спатыўнае жыццё, і сёння я лічу, што гэтае рашэнне для мяне правільнае. Спадзяюся, што ўсе мае заўзятары паставяцца да гэтага рашэння з разуменнем. Я б хацела ад сябе асабіста падзякаваць усім за сапраўдную падтрымку», — сказала на заканчэнне Дар'я Домрачава.

За сваю кар'еру Дар'я Домрачава выйграла чатыры залатыя Алімпійскія медалі: тры ў Сочы і адну ў Пхёнчхане. Таксама беларуская спартсменка выйгравала «бронзу» Ванкувера і «срэбра» Пхёнчхана. Акрамя таго, на яе рахунку два залатыя, чатыры сярэбраныя і адзін бронзавы медаль чэмпіянатаў свету, і адна перамога ў агульным заліку Кубка свету.

Ілья КРЫЖЭВІЧ

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.