Вы тут

У пацярпелых у ДТЗ у Львоўскай вобласці беларусаў — пазітыўная дынаміка


У пацярпелых у ДТЗ у Львоўскай вобласці беларусаў назіраецца пазітыўная дынаміка. Па інфармацыі МЗС Беларусі, адзін чалавек быў выпісаны, двое пераведзеныя з інтэнсіўнай тэрапіі.


Нагадаем, у аварыі пацярпелі дзевяць грамадзян Беларусі, адна жанчына памерла ў бальніцы. Астатнія ў прытомнасці, яны з траўмамі рознай ступені цяжкасці (чэрапна-мазгавыя траўмы, страсенні, пераломы, удары) былі шпіталізаваны ў лячэбныя ўстановы вобласці. Асобы пацярпелых устаноўлены. Беларускія дыпламаты ў кантакце з украінскім бокам вырашаюць далейшыя пытанні.

Пасля з'явілася больш падрабязная інфармацыя прэс-службы Міністэрства аховы здароўя Беларусі пра тое, што яго прадстаўнікі пастаянна кантактуюць з калегамі з дзвюх бальніц Львоўскай вобласці, куды былі шпіталізаваны пацярпелыя беларусы. Ад украінскіх калег пакуль не паступала просьбаў аб дапамозе, разам з тым пры неабходнасці нашы медыкі гатовыя яе аказаць. Пытанні, звязаныя з транспарціроўкай суайчыннікаў на радзіму, будуць вырашацца пазней. Памерлая беларуска — жыхарка Жабінкі.

Дарожна-транспартнае здарэнне адбылося на ўчастку аўтамабільнай трасы Ковель — Жолква каля горада Вялікія Масты ў суботу. Як устанавілі праваахоўныя органы Украіны, 59-гадовы кіроўца «шкоды актавія» заснуў за рулём і выехаў на паласу сустрэчнага руху, дзе сутыкнуўся з мікрааўтобусам «Фольксваген», якім кіраваў 35-гадовы кіроўца з Валынскай вобласці.

У сувязі з надыходам сезона адпачынкаў Міністэрства аховы здароўя нагадвае беларускім грамадзянам, якія выязджаюць за мяжу, што страхаванне — гэта гарантыя аказання ўсіх відаў медыцынскай дапамогі пры экстраннай сітуацыі ў любой краіне свету. Апроч таго, страхоўка прадугледжвае і медыцынскую транспарціроўку ў арганізацыі аховы здароўя нашай краіны.

Сяргей РАСОЛЬКА

Загаловак у газеце: Суайчыннікаў перавязуць з Украіны пазней

Дадаць каментар

Выбар рэдакцыі

Культура

Хто ёсць хто на дзіцячым «Еўрабачанні»

Хто ёсць хто на дзіцячым «Еўрабачанні»

Ужо ў гэту нядзелю вырашыцца інтрыга

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг