Вы тут

Бізнес прапануе пазбавіцца ад паперы


У сталіцы адбылося пасяджэнне Савета па развіцці прадпрымальніцтва.


На парадку дня абмяркоўваліся пытанні карэкціроўкі мытнага кошту тавараў, заліку ПДВ і спагнання пені з мытных прадстаўнікоў. Акрамя таго, эксперты разглядалі магчымасць удасканалення міжнароднай сістэмы мытнага транзіту і гарантый. У пасяджэнні Савета па развіцці прадпрымальніцтва прымалі ўдзел першы намеснік прэм'ер-міністра Васіль Мацюшэўскі, намеснік міністра фінансаў Дзмітрый Кійко, намеснік старшыні Дзяржаўнага мытнага камітэта Сяргей Полудзень.

Старшыня Савета па развіцці прадпрымальніцтва Аляксандр Турчын лічыць: «Аднымі з сур'ёзных драйвераў эканамічнага росту з'яўляюцца сфера паслуг і, безумоўна, ІT-сфера, транспартна-лагістычная галіна. Мытнае рэгуляванне — адзін з ключавых момантаў, які ўплывае на тое, каб суб'ектам гаспадарання — як нашым, так і замежным партнёрам — было камфортна перасякаць тэрыторыю нашай краіны».

Гаворачы аб узаемадзеянні бізнесу і Мытнага камітэта, член Савета па развіцці прадпрымальніцтва Сяргей Навіцкі адзначыў, што на мытні неабходна больш актыўна развіваць электронны дакументаабарот.

«З 1 студзеня 2018 года ўступіў у дзеянне Мытны кодэкс ЕАЭС. Ён прадугледжвае шэраг спрашчэнняў у працэсе выпуску тавараў у свабоднае абарачэнне. Ёсць праблемныя моманты, звязаныя з электронным дакументаабаротам. Па-ранейшаму суб'екты гаспадарання, якія заяўляюць тавар на мытні, перадаюць увесь набор дакументаў у папяровым выглядзе», — дадаў Сяргей Навіцкі.

Акрамя таго, паводле яго слоў, супрацоўнікі мытні патрабуюць прадстаўлення арыгінальнай копіі сертыфіката адпаведнасці на кожны тавар пры кожнай пастаўцы, нягледзячы на магчымасць праверкі любога сертыфіката адпаведнасці ў агульнай дзяржаўнай базе сертыфікацыйных дакументаў.

На пасяджэнні Савета па развіцці прадпрымальніцтва абмеркавалі рэзервы для спрашчэння работы суб'ектаў гаспадарання.

Ілья КРЫЖЭВІЧ

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.