Вы тут

Беларускія стравы па старадаўніх рэцэптах прапанавалі ў Ветцы


Беларускія стравы па старадаўніх рэцэптах прапанавалі ўдзельнікам і гасцям традыцыйнай сустрэчы памежных абласцей Беларусі, Расіі, Украіны і міжнароднага маладзёжнага форуму «Дружба-2018» у Ветцы. Фестываль прайшоў пад дэвізам «Радзіма — у сэрцы маім».


Сёлета арганізатарам стаў беларускі бок. Свята пачалося сумеснай літургіяй праваслаўных і малебнам каля помніка адселеным пасля чарнобыльскай катастрофы вёскам. Працягнулася — урачыстым шэсцем дэлегацый памежных рэгіёнаў. На цырымоніі адкрыцця старшыня Гомельскага аблвыканкама Уладзімір Дворнік падкрэсліў, што развіццё міжрэгіянальных сувязяў грунтуецца як на эканамічным, так і на гуманітарным кірунках, а таксама на сяброўскіх адносінах паміж людзьмі:

— Традыцыі штогод збірацца напярэдадні Дня моладзі амаль 50 гадоў. З цягам часу і зменай геапалітычнай сітуацыі нефармальны маладзёжны фестываль набыў новы статус — дыпламатычны. У нас адны карані, агульныя духоўнасць і гісторыя. Мы разумеем, што наша сіла — у адзінстве. А разам мы абавязкова захаваем мір і эканамічную стабільнасць — для нашых дзяцей, унукаў і праўнукаў.

Партнёрства Бранскай і Гомельскай абласцей будзе развівацца ва ўсіх сферах, адзначыў губернатар Бранскай вобласці Аляксандр Багамаз:

— Летась тавараабарот паміж Бранскай вобласцю і Беларуссю вырас на чвэрць у параўнанні з 2016 годам. Пры гэтым 40 % прыпадае на Гомельскую вобласць. Ёсць і сумесныя прадпрыемствы, прадукцыя якіх становіцца ўсё больш папулярнай. Нашы дзелавыя адносіны такія ж моцныя, як і непарушнае славянскае сяброўства. Мы прыкладзём усе намаганні, каб далейшае партнёрства развівалася ва ўсіх кірунках на карысць нашых грамадзян.

Да ўдзельнікаў міжнароднага форуму звярнуўся і першы сакратар Чарнігаўскага абласнога камітэта Камуністычнай партыі Украіны Уладзімір Лешчанка. Ён адзначыў, што сустрэча памежных рэгіёнаў — вельмі шчырае мерапрыемства, а ў гісторыі славянскіх народаў шмат агульных старонак.

Гасцей свята запрашалі на выстаўкі карцін і фатаграфій «Мая малая радзіма», экспазіцыю «Суквецце рамёстваў», літаратурную пляцоўку «Чытай, славянін!», выстаўкі «Лісты з фронту» і «Маршалы Перамогі»... На тэматычнай пляцоўцы «Назад у СССР» можна было ўбачыць фотазамалёўкі, плакаты савецкай эпохі, піянерскія гальштукі і камсамольскія значкі, прадметы інтэр'ера і атрыбуты быту савецкіх часоў. Паглядзець усе пляцоўкі, а таксама канцэрт, паказ дызайнерскіх калекцый, тэхнічную і дэкаратыўна-прыкладную творчасць навучэнцаў крыху перашкаджаў дождж. Тым не менш і яму ўсе, хто жыве ў палескім памежжы, радаваліся неверагодна. Бо не толькі паўднёвы ўсход Беларусі пацярпеў з-за адсутнасці вільгаці — Браншчына з Чарнігаўшчынаю таксама. Менавіта таму прыйшлі да высновы, што ён прынёс палёгку ўсім у той момант, калі славяне сабраліся разам.

Ірына АСТАШКЕВІЧ

Загаловак у газеце: Не існуе перашкод для сапраўднага сяброўства

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».