Вы тут

Міжнародны адукацыйны праект «Летняя школа — 2018» стартуе ў БДПУ


ІV Міжнародны адукацыйны праект «Летняя школа — 2018. Пазнай Беларусь: ад адукацыі да культуры» стартуе ў Беларускім дзяржаўным педагагічным універсітэце 28 чэрвеня.


Фота: bspu.by

Чакаецца, што яго ўдзельнікамі стануць студэнты з Арменіі, Беларусі, Кітая, Туркменістана і Чэхіі. На працягу дзесяці дзён яны будуць навучацца ў выкладчыкаў БДПУ беларускай мове і беларускай народнай творчасці. Даведаюцца пра вышэйшую адукацыю ў Беларусі, умовы навучання ў магістратуры, аспірантуры і дактарантуры БДПУ, аб рабоце студэнцкіх навукова-даследчых лабараторый універсітэта. Разам са студэнтамі педагагічнага ўніверсітэта яны прымуць удзел у праекце «Дзеці сталіцы», далучацца да педагагічных атрадаў.

Гасцей чакае і цікавая культурная праграма. Маладыя людзі змогуць азнаёміцца са славутымі мясцінамі, храмамі, замкамі, радавымі сядзібамі, музеямі, гістарычным і сучасным Мінскам, акунуцца ў святочную атмасферу Дня Незалежнасці ў сталіцы, наведаць фестываль вырабаў майстроў народных промыслаў.

«Летняя школа» ўжо стала візітнай карткай БДПУ. Ідэя праекта належыць рэктарам БДПУ і Армянскага дзяржаўнага педагагічнага ўніверсітэта — Аляксандру Жуку і Рубену Мірзаханяну. У 2015 годзе ў межах дагавора аб супрацоўніцтве 20 студэнтаў Армянскага педагагічнага ўніверсітэта прынялі ўдзел у першым праекце «Летняй школы». У 2016 годзе геаграфія ўдзельнікаў пашырылася і ўжо 30 студэнтаў з універсітэтаў Рэспублікі Арменія, Народнай Рэспублікі Бангладэш, Расійскай Федэрацыі і Чэшскай рэспублікі правялі ў Беларусі дзесяць незабыўных дзён.

Пры падтрымцы двух рэктараў у 2017 годзе «Летняя школа» была прадстаўлена на конкурс праектаў па развіцці вышэйшай адукацыі і міжнароднай дзейнасці ўніверсітэтаў Расіі і СНД, дзе стала пераможцай у намінацыі «Асабісты ўклад». Арганізатар конкурсу (Асацыяцыя ўсходнееўрапейскіх універсітэтаў) адзначыў намаганні БДПУ па развіцці міжкультурнай прасторы вышэйшай адукацыі.

Праект рэалізуецца пры падтрымцы Міністэрства адукацыі Рэспублікі Беларусь, а таксама інфармацыйна-турысцкага цэнтра «Мінск».

Надзея НІКАЛАЕВА

Загаловак у газеце: БДПУ чакае гасцей

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.