Вы тут

Дзіцячыя пытанні


— Жанчына працуе ў адной арганізацыі па працоўным дагаворы, у другой — па дагаворы падраду. У такой сітуацыі прызначаецца адна ці дзве дапамогі па цяжарнасці і родах?

Начальнік упраўлення сацыяльнага страхавання і пенсій Фонду сацыяльнай абароны насельніцтва Ларыса Капыльская:

Пунктам 30 Палажэння аб парадку забеспячэння дапамогамі па часовай непрацаздольнасці і па цяжарнасці і родах, зацверджанага пастановай Саўміна ад 28.06.2013 № 569, прадугледжана, што дапамога па цяжарнасці і родах прызначаецца па кожным месцы працы. Для атрымання дапамогі па цяжарнасці і родах па месцы працы па працоўным дагаворы і месцы працы па дагаворы падраду вам неабходна прадставіць лісткі непрацаздольнасці па кожным месцы працы. Выдача лісткоў непрацаздольнасці ажыццяўляецца ў колькасці, неабходнай для прадстаўлення па кожным месцы працы. Гэта трэба давесці да ведама доктара.


— Ці можа шматдзетны бацька звярнуцца па атрыманне вольнага ад працы дня ў тыдзень, калі ён адпрацоўвае 40 гадзін у тыдзень? Ці маюць права яму адмовіць у атрыманні такой гарантыі на падставе таго, што жонка ў цяперашні час не працуе?

Кансультант упраўлення народанасельніцтва, гендарнай і сямейнай палітыкі Міністэрства працы і сацыяльнай абароны Святлана Коваль:

Згодна з часткай другой арт. 265 Працоўнага кодэкса маці (мачысе) ці бацьку (айчыму), апекуну (папячыцелю), якая выхоўвае (які выхоўвае) дзіця-інваліда ва ўзросце да 18 гадоў альбо траіх і больш дзяцей ва ўзросце да 16 гадоў, па яе (яго) пісьмовай заяве выдзяляецца адзін дадатковы свабодны ад працы дзень у тыдзень з аплатай у памеры сярэдняга дзённага заробку.

Парадак і ўмовы атрымання аднаго дадатковага свабоднага ад работы дня ў тыдзень вызначаны Інструкцыяй, зацверджанай пастановай Мінпрацы і сацабароны ад 11 чэрвеня 2014 г. № 34 «Аб парадку і ўмовах атрымання дадатковых свабодных ад работы дзён».

Пункт 2 гэтага дакумента змяшчае ўмовы, пры выкананні якіх выдзяляецца адзін дадатковы свабодны ад працы дзень у тыдзень:

  • у сям'і работніка выхоўваецца дзіця-інвалід ва ўзросце да 18 гадоў альбо трое і больш дзяцей ва ўзросце да 16 гадоў;
  • работнік на гэтым рабочым тыдні заняты на працы пяць ці шэсць рабочых дзён з працягласцю працоўнага часу ў тыдзень не менш, чым устаноўлена ў артыкулах 112—114 Працоўнага кодэкса (з улікам атрыманага ў гэты тыдзень дадатковага свабоднага ад работы дня);
  • другі з бацькоў (маці (мачаха), бацька (айчым)) у поўнай сям'і з'яўляецца занятым альбо праходзіць падрыхтоўку ў клінічнай ардынатуры ў вочнай форме, прызнаны інвалідам, атрымлівае штомесячную страхавую выплату ў адпаведнасці з заканадаўствам аб абавязковым страхаванні ад няшчасных выпадкаў на вытворчасці і прафесійных захворванняў.

Пры гэтым пад занятымі разумеюцца грамадзяне, названыя ў артыкуле 2 Закона «Аб занятасці насельніцтва Рэспублікі Беларусь», да якіх сярод іншых адносяцца тыя, хто працуе па працоўным дагаворы (кантракце), і тыя, хто ажыццяўляе догляд дзіцяці ва ўзросце да трох гадоў. Калі хтосьці знаходзіцца ў адпачынку па доглядзе дзіцяці да дасягнення ім узросту трох гадоў, то ён адносіцца да катэгорыі асоб, якія працуюць па працоўным дагаворы (кантракце), а калі хтосьці ажыццяўляе догляд дзіцяці ва ўзросце да трох гадоў і не працуе — да катэгорыі асоб, якія ажыццяўляюць догляд дзіцяці ва ўзросце да трох гадоў.

Такім чынам, калі ў сям'і выхоўваюцца трое дзяцей ва ўзросце да 16 гадоў і жонка знаходзіцца ў адпачынку па доглядзе дзіцяці да дасягнення ім узросту трох гадоў або ажыццяўляе догляд дзіцяці ва ўзросце да 3 гадоў і пры гэтым не працуе, вы маеце права на дадатковы свабодны ад працы дзень у тыдзень з аплатай у памеры сярэдняга дзённага заробку пры захаванні ўмоў, устаноўленых Інструкцыяй.

Святлана БУСЬКО

Фота Анатоля КЛЕШЧУКА

Выбар рэдакцыі

Грамадства

Як «маленькая «Заря» распальвала партызанскі рух на Брэстчыне

Як «маленькая «Заря» распальвала партызанскі рух на Брэстчыне

У 1943—1944 гадах легендарнай Хаваншчыны (Івацэвіцкі раён) немец баяўся як агню.

Культура

Андрэй Куціла: У параўнанні з ігравым  дакументальнае кіно — несумленнае

Андрэй Куціла: У параўнанні з ігравым дакументальнае кіно — несумленнае

Заўтра ў харвацкай сталіцы пачынаецца міжнародны фестываль дакументальнага кіно ZаgrеbDох, у асноўны конкурс якога адабраны і фільм беларускага дакументаліста Андрэя Куцілы Summа.

Калейдаскоп

Вясёлыя гісторыі чытачоў

Вясёлыя гісторыі чытачоў

Піць — хваробу лячыць...

Эканоміка

Ці паўплываюць буйныя спартыўныя спаборніцтвы на кошт арэнды жылля ў Мінску

Ці паўплываюць буйныя спартыўныя спаборніцтвы на кошт арэнды жылля ў Мінску

Рынак нерухомасці заўсёды нестабільны перад значнымі мерапрыемствамі, якія прыцягваюць турыстаў.