Вы тут

Прэм'ер-міністр уручыў дзяржузнагароды


Прэм'ер-міністр Андрэй КАБЯКОЎ па даручэнні Прэзідэнта ўручыў дзяржаўныя ўзнагароды найлепшым прадстаўнікам працоўных калектываў краіны. Сярод іх больш за 160 чалавек: навукоўцы, сацыяльныя работнікі, урачы, выкладчыкі, работнікі прамысловасці, лясной галіны, аграрыі, будаўнікі, нафтавікі, прадстаўнікі падатковых органаў, дзяржаўныя служачыя, творчая інтэлігенцыя. Усе яны ўдастоены высокіх узнагарод за шматгадовую плённую працу, добрае выкананне службовых абавязкаў, высокі прафесіяналізм.


«Кожны з вас унёс свой уклад у развіццё незалежнай і квітнеючай Беларусі. Сярод узнагароджаных вялікая група работнікаў аграпрамысловага комплексу краіны. Шмат гадоў таму Беларусь зрабіла стаўку на развіццё сельскай гаспадаркі. Час паказаў, што выбар гэты быў абсалютна правільны», — адзначыў Андрэй Кабякоў.

Па яго словах, забяспечваючы патрэбы айчыннага рынку, беларускія прадпрыемствы захоўваюць таксама і свае экспартныя пазіцыі.

«Мы зарабляем на экспарце харчавання больш за 5 млрд долараў у год. Задача давесці гэты паказчык да 7 млрд. Нашы прадукты харчавання пастаўляюцца на рынкі больш як 60 краін свету», — дадаў кіраўнік урада.

Высокіх узнагарод удастоены прадстаўнікі спажывецкай кааперацыі краіны. Сярод узнагароджаных таксама была група медыцынскіх работнікаў, прадстаўнікі сферы адукацыі — настаўнікі і кіраўнікі ўстаноў розных узроўняў.

Высокія ўзнагароды таксама ўручылі прамыслоўцам і энергетыкам. «Сёння з упэўненасцю можна сказаць што прамысловасць Беларусі выйшла з рэцэсіі і набрала ўстойлівы паказчык росту. Тэмп росту прамысловай вытворчасці ў мінулым годзе склаў 106,1 %, а за пяць месяцаў гэтага года — 108,3 %. Ёсць усе перадумовы, каб гэты тэмп сёлета быў не меншы», — сказаў прэм'ер-міністр.

Таксама сярод узнагароджаных былі дарожныя рабочыя. Дзякуючы іх намаганням у краіне актыўна ідзе рэканструкцыя аўтамабільных дарог. Высокія ўзнагароды заслужылі прадстаўнікі творчай інтэлігенцыі. Андрэй Кабякоў падкрэсліў, што дзяржава будзе падтрымліваць таленавітых і адораных творчых асоб, асабліва тых, хто праслаўляе краіну і натхняе мільёны.

«Напярэдадні галоўнага дзяржаўнага свята, хачу павіншаваць вас з Днём Незалежнасці краіны. Дата 3 ліпеня сімвалізуе адзінства нашага міралюбівага грамадства, яго мужнасць і гераізм, павагу да традыцыі і пераемнасць пакаленняў. Гэтае свята ў сэрцы кожнага, хто ведае цану міру, стабільнасці і ўпэўненасці ў заўтрашнім дні», — рэзюмаваў Андрэй Кабякоў.

Ілья КРЫЖЭВІЧ

Сярод узнагароджаных — намеснік галоўнага рэдактара «Звязды» Анатоль СЛАНЕЎСКІ. Наш калега атрымаў Падзяку Прэзідэнта за шматгадовую і плённую працу, высокае прафесійнае майстэрства, значны асабісты ўклад у рэалізацыю дзяржаўнай інфармацыйнай палітыкі. Шчыра віншуем Анатоля Аркадзевіча і жадаем новых дасягненняў!

Загаловак у газеце: За высокі прафесіяналізм

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.