Вы тут

У Савеце Рэспублікі разгледзелі Дэкрэт № 8


Дакумент у верхняй палаце, гэтак жа, як і раней у ніжняй, прадстаўляў першы намеснік прэм'ер-міністра Васіль Мацюшэўскі, які ўзначальваў рабочую групу распрацоўшчыкаў дэкрэта.


«Лічбавы бізнес, як і ўся эканоміка ведаў, валодае адной асаблівасцю: тут няма сыравіны і матэрыялаў, не патрэбны зямля, абсталяванне і памяшканні. Ключавы элемент — чалавек, які стварае лічбавы прадукт. Яшчэ больш важны той, хто гэты прадукт прадае. Дык вось, поспех краіны залежыць ад таго, наколькі спадабаецца альбо не ў нашай краіне тым, хто ўмее ўсё гэта рабіць», — тлумачыў дакладчык сенатарам сутнасць дэкрэта.

Ён запэўніў парламентарыяў, што дакумент накіраваны не толькі на падтрымку прадуктовай мадэлі ў частцы ІТ, але і на стварэнне ўмоў для развіцця ўсёй сферы — своеасаблівага асяроддзя. «Самае галоўнае пытанне ў тым, дзе пасля стварэння прадукту яго творца пажадае размясціць сваю інтэлектуальную ўласнасць і свае капіталы — пасля продажу гэтага прадукту. А размесціць ён у той краіне, дзе будуць гарантаваныя бяспека, стабільнасць і надзейная абарона ад самавольства, канфіскацый, арыштаў, раптоўных перамен дзеючых правілаў гульні», — падкрэсліў дакладчык.

Калі наша краіна створыць такія ўмовы, яна атрымае галоўную карысць ад вытворчасці такіх лічбавых прадуктаў, упэўнены першы віцэ-прэм'ер. Таму ў гэтай сферы мы ўпершыню сутыкаемся з неабходнасцю па-іншаму выбудоўваць свае адносіны з бізнесам. На думку Васіля Мацюшэўскага, каб выйграць у сусветнай канкурэнтнай барацьбе за таленты, мы павінны разглядаць «лічбавы» дэкрэт у неразрыўнай сувязі з наступным, значна больш маштабным крокам, які дакладна быў абазначаны ў Пасланні кіраўніка дзяржавы беларускаму народу і парламенту: ператварыць Беларусь у адну з самых прывабных мясцін у свеце для багатых, таленавітых і паспяховых людзей.

«І калі «лічбавы» дэкрэт справядліва назвалі рэвалюцыйным, то будучыя рашэнні аб ператварэнні Беларусі ў спрыяльнае месца для капіталу, у цывілізаваную, зручную і свабодную фінансавую гавань увогуле павінны стаць гістарычнымі. У выпадку іх прыняцця і «лічбавы» дэкрэт запрацуе ў сапраўдную і поўную моц», — паабяцаў Васіль Мацюшэўскі.

Усяго на ўчарашнім пасяджэнні сенатары разгледзелі 20 пытанняў, сярод якіх таксама былі праекты абноўленых законаў «Аб якасці і бяспецы харчовай сыравіны і харчовых прадуктаў для жыцця і здароўя чалавека», «Аб масавых мерапрыемствах у Рэспубліцы Беларусь», а таксама дапаўненні ў адміністрацыйны і банкаўскі кодэксы і ратыфікацыя пагаднення аб бязвізавым рэжыме паміж нашай краінай і КНР.

Вольга МЯДЗВЕДЗЕВА

Загаловак у газеце: Правілы для лічбы

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.