Вы тут

Матэматыка на ЦТ выйшла ў лідары па колькасці стабальных вынікаў


100 балаў на ЦТ па матэматыцы набралі сёлета 155 чалавек — гэта ўдвая больш, чым у папярэднім годзе (летась было 69 абсалютных вынікаў). Нагадаем, што матэматыку здавалі каля 45 тысяч абітурыентаў. Для параўнання: на ЦТ па рускай мове было 54 стабальных вынікі, па беларускай мове —  21 і 11 — па грамадазнаўстве. Такім чынам матэматыка — у лідарах!


З аднаго боку, вялікая колькасць стабальных вынікаў з'яўляецца добрай матывацыяй для тых, хто яшчэ толькі плануе сваё паступленне, сведчаннем таго, што з тэстам можна справіцца і што мэтанакіраванасць навучэнца будзе ў выніку ўзнагароджана  Але з іншага, для абітурыентаў гэта сур'ёзны сігнал: канкурэнцыя на ўваходзе ў ВНУ можа сур'ёзна абвастрыцца!

Вырас таксама і сярэдні бал па матэматыцы: у 2017 годзе быў 27, 21 а ў гэтым — 32,32. Нуль балаў набралі 52 чалавек..

Арганізатары цэнтралізаванага тэсціравання засцерагаюць ад распаўсюджанай памылкі: пераводзіць тэставыя балы ў дзесяцібальную шкалу няправільна! Нават многія педагогі блытаюць цэнтралізаванае тэсціраванне і выніковую атэстацыю і не бачаць паміж імі прынцыповай розніцы. Думаюць, што 30 балаў на ЦТ — гэта школьная "тройка"…

На цэнтралізаваным тэсціраванні выкарыстоўваецца рэйтынгавая шкала і абітурыенты параўноўваюцца паміж сабой. Пры гэтым складанасць кожнага задання тэсту вызначаецца статыстычна у залежнасці ад колькасці ўдзельнікаў, якія правільна яго выканалі. Чым большая колькасць абітурыентаў справілася з тэставым заданнем, тым будзе меншы каэфіцыент складанасці дадзенага задання. І наадварот, чым меншая колькасць абітурыентаў справілася з такім заданнем, тым большая колькасць балаў налічваецца ўдзельніку ЦТ за правільнае яго рашэнне.

Дзеючая методыка дазваляе разлічыць тэставы бал для заданняў з адзіна верным адказам і тэставы бал для заданняў, якія прадугледжваюць некалькі дакладных адказаў, як на ЦТ па рускай і беларускай мовах.

 Пры досыць складаным тэсце добра дыферэнцуецца найбольш падрыхтаваная частка абітурыентаў, што з'яўляецца асноўнай задачай цэнтралізаванага тэсціравання.

Надзея НІКАЛАЕВА

Фота Ганны ЗАНКАВІЧ

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.