Вы тут

Бізнесу палёгка, татам — водпуск


У Палаце прадстаўнікоў на апошнім пасяджэнні вясновай сесіі прынялі ў першым чытанні законапраекты, якія прадугледжваюць змякчэнне адказнасці па эканамічных злачынствах і ўвядзенне бацькаўскага водпуску.


Праект закона з папраўкамі аб змякчэнні крымінальнай адказнасці па некаторых эканамічных злачынствах пераводзіць чатыры саставы эканамічных злачынстваў у катэгорыю менш цяжкіх ці тых, што не ўяўляюць вялікай грамадскай небяспекі.

Папраўкі, якія датычацца наркатычных злачынстваў, прадугледжваюць зніжэнне ніжняй мяжы пакарання з пяці да трох гадоў за незаконныя з мэтай збыту выраб, перапрацоўку, набыццё, захоўванне, перавозку або перасылку або незаконны збыт наркотыкаў і псіхатропаў. За тыя ж самыя дзеянні, здзейсненыя групай асоб або службовай асобай з выкарыстаннем сваіх службовых паўнамоцтваў, а таксама асобай, якая ўжо здзяйсняла падобныя правапарушэнні, прапануецца зменшыць мінімальны тэрмін зняволення з васьмі гадоў да шасці.

У Крымінальным кодэксе ў выпадку прыняцця дакумента з'явіцца новы артыкул, які прадугледжвае адказнасць за прапаганду самагубства.

Дэпутаты Палаты прадстаўнікоў таксама прынялі ў першым чытанні законапраект аб змене некаторых законаў краіны, якія прадугледжваюць увядзенне бацькаўскага водпуску. Плануецца, што бацьку будзе давацца водпуск па яго жаданні пры нараджэнні дзіцяці ў сям'і. Ён будзе абмежаваны перыядам не большым за 14 каляндарных дзён. Водпуск будзе давацца па заяве бацькі на працягу шасці месяцаў пасля нараджэння дзіцяці.

Акрамя таго, у Працоўны кодэкс можа быць уключана паняцце дыстанцыйнай працы з замацаваннем асаблівасцяў яе рэгулявання.

Ілья КРЫЖЭВІЧ

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.