Буйны расійскі тураператар «Наталі Турс» (праз якога заказваюць пуцёўкі ў Турцыю, Грэцыю, Іспанію, Балгарыю, Егіпет і многія нашы падарожнікі) анулюе ўсе заказы з 4 ліпеня да 30 верасня 2018 года ўключна.
«У сувязі з неспрыяльным развіццём сітуацыі, якая склалася на гэты момант з прымаючымі партнёрамі, вымушаны праінфармаваць, што кампанія не можа гарантаваць забеспячэнне выканання абавязкаў па турыстычных паездках у цяперашні час, — сказана на сайце аператара. — Аперацыйная дзейнасць ажыццяўляецца ў працоўным рэжыме».
Прэзідэнт кампаніі Уладзімір Вараб'ёў запэўнівае, што з 5 ліпеня яны прапануюць кліентам механізмы кампенсацыі (у тым ліку і неграшовыя).
— Мы працуем над тым, каб усе турысты, якія трапілі ў гэту сітуацыю, так ці інакш атрымалі ад нас кампенсацыю ў поўным аб'ёме, — перадае яго словы агенцтва ТАСС.
Тым, хто захоча скарыстацца іншым адпачынкам, выдадуць пуцёўку ўзамен аплачанай. Іншым давядзецца чакаць, пакуль у кампаніі нармалізуецца фінансавая сітуацыя і з'явіцца магчымасць адпраўляць турыстаў па бягучых праграмах, не падвяргаючы іх рызыцы. Уладзімір Вараб'ёў растлумачыў, што тураператар некалькі тыдняў таму сутыкнуўся з крызісам ліквіднасці — стала не хапаць сродкаў для разліку з партнёрамі.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».