Вы тут

У сталіцы адзначылі юбілей беларускага пламбіру


Нягледзячы на тое, што доўгія выхадныя выдаліся даволі халодныя і дажджлівыя, свята дня нараджэння айчыннага марожанага сабрала мноства гасцей і ўдзельнікаў. Як адзначылі арганізатары, 15 тысяч наведвальнікаў атрымалі адмысловыя беларускамоўныя пашпарты грамадзян «Краіны марозіва», а за 6 гадзін фестывалю было з'едзена паўтары тоны нарыхтаванага загадзя ласунку.


Тэматычны парк забаў «Краіна марозіва» разгарнуўся на адзін дзень у наваколлі «Мінск-Арэны». Дарэчы, гасцямі яго сталі не толькі жыхары сталіцы. Пра гэта яскрава сведчыла спецыяльна ўсталяваная 3-метровая карта Беларусі: на выяве, дзе кожны ахвотны мог звязаць каляровымі стужкамі Мінск і свой родны горад ці малую радзіму сваіх бацькоў, акрамя беларускіх гарадоў і вёсак, з'явіліся Ніжні Ноўгарад, Варкута і нават Нью-Ёрк...

Адгукнуліся наведвальнікі і на прапанову арганізатараў не толькі пакаштаваць эка-марожанае (лімітаваная серыя «Белага полюса 1938» зроблена па аўтэнтычным рэцэпце без «Е» сярод складнікаў), але і скарыстацца эка-транспартам. Так, на фэст завітала больш за 1000 веласіпедыстаў і скейтараў, кожны з якіх у якасці заахвочвання атрымаў пачак пламбіру «Белы полюс». Што цікава, дарослыя пераважна выбіралі эскімо, а маленькія госці — вафельныя кубачкі. Карысталіся попытам і іншыя гатункі марожанага і малочныя кактэйлі з яго, а таксама... дранікі з марожаным, якія замаўлялі так часта, што ў сярэдзіне дня спатрэбілася дадаткова завозіць бульбу.

Ну, а непасрэдна на святочных пляцоўках кожны выбіраў сабе занятак для душы: малеча з задавальненнем гуляла ў канструктары і лялькі, каталася на стылізаванай надзіманай снежнай горцы і «ўзыходзіла» на самую сапраўдную — пад вечар ад двухметровай горкі, на якой фатаграфаваліся і гулялі ў снежкі цэлымі сем'ямі, застаўся толькі сціплы ўзгорак. Акрамя таго, дзеці розных узростаў ахвотна ўдзельнічалі ў заездах на бегавелах і веласіпедах, скачках на батутах, квэстах і творчых майстар-класах. Дарослыя з не меншым імпэтам спаборнічалі ў кёрлінгу, настольным тэнісе, адкрытых уроках танцаў, падпявалі выступоўцам падчас вялікага музычнага марафону. А ўвечары тыя, хто загадзя прайшоў рэгістрацыю ў арганізатараў і меў з сабой канькі, змаглі трапіць на галоўны каток краіны, дзе зазвычай трэніруюцца толькі прафесійныя спартсмены.

Вікторыя ЦЕЛЯШУК

Загаловак у газеце: Кёрлінг, снег і 1,5 тоны марожанага

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…