Вы тут

Сто вершаў: Мая малая радзіма


Зямля бацькоў, святая... : зборнік вершаў пра малую радзіму / уклад. Віктара Шніпа. — Мінск: Мастацкая літаратура, 2018. — 143 с. — (100 вершаў).


Паэтычная серыя «100 вершаў» толькі пачынае сваё жыццё. Выйшлі кнігі Міхася Стральцова, Пімена Панчанкі. І вось да чытача прыйшоў новы зборнік. Гэтым разам — калектыўны. Пад адной вокладкай — вершы беларускіх мастакоў слова розных пакаленняў: Канстанцыі Буйло («Люблю наш край, старонку гэту...»), Петруся Броўкі («Родныя словы»), Максіма Танка («Вёска мая»), Пімена Панчанкі («Зямля бацькоў»), Уладзіміра Караткевіча («Беларуская песня»)... А яшчэ — творы Анатоля Вярцінскага, Ніла Гілевіча, Рыгора Барадуліна, Васіля Зуёнка, Янкі Сіпакова, Уладзіміра Карызны, Міколы Маляўкі, Мар'яна Дуксы, Казіміра Камейшы, Віктара Гардзея, Раісы Баравіковай...

У вершах — сапраўдныя адрасы малой радзімы, літаратурная геаграфія беларускага краю. Хоць і піша, напрыклад, Алесь Бадак пра край свету, усё ж паэт знаходзіцца «на сцежцы палявой, / З якой відаць уся мая Айчына». І без свайго роднага кута любові і журбы паэт «у свеце заблудзіўся». Цеплыня паэтычных радкоў, бы чыстая крынічная вада, працінае, ўсё сэрца, кранае душу, кожнага з чытачоў вяртае да родных вытокаў, да родных сяліб.

Прымеркаваны да Года малой радзімы зборнік вершаў «Зямля бацькоў, святая...» багаты і на рэпрадукцыі карцін беларускіх мастакоў — Аркадзя Астаповіча, Апалінара Гараўскага, Вітольда Бялыніцкага-Бірулі, Вячаслава Кубарава, Пятра Данеліі, Барыса Аракчэева, Меера Аксельрода, Леаніда Шчамялёва.

Мікола БЕРЛЕЖ

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.