Полацк з вышыні палёту

Маладая сям'я з Наваполацка Андрэй і Вольга Зубкі любяць вандраваць і занатоўваць свае ўражанні ў відэаблогу. На іхняй відэастаронцы ў сеціве мільён праглядаў, чатыры тысячы падпісчыкаў. А пачыналася з таго, як Вольга, працуючы ў цырульні, апублікавала матэрыял «зрабі сабе прычоску». Прагляд быў на сотні і тысячы. Потым Андрэй і Вольга сталі здымаць нашыя абласныя цэнтры — архітэктуру, людзей, цяпер прыехалі ў суседні Полацк, каб зверху зняць старажытны горад. Нядаўна яны набылі квадракоптар і асвойваюць гэты від фота і відэа.

— Наша захапленне ўмацоўвае нашу сям'ю, — кажуць новапалачане.

Дарэчы, пасля нараджэння ў сям'і двойні ў Андрэя і Вольгі захапленне блогерствам і відэаздымкамі стала яшчэ больш натхнёным.

Гэта фота было зроблена на фоне славутай полацкай Сафіі.

Фота Анатоля КЛЕШЧУКА