Вы тут

Купалаўскі вечар у Чэбаксарах


Сёння ў сталіцы Чувашыі пройдзе літаратурны вечар, прысвечаны дню нараджэння народнага песняра Беларусі Янкі Купалы.


Сустрэчу паэтаў, перакладчыкаў, чытачоў у Нацыянальнай бібліятэцы Чувашскай Рэспублікі, акрамя саміх гаспадароў, арганізаваў яшчэ і Чувашскі рэспубліканскі фонд імя Міхаіла Сеспеля.

— Не магу не нагадаць, што ў класіка беларускай літаратуры свая ўласная далучанасць з нашымі Чэбаксарамі, з Чувашыяй, — расказвае паэт Валерый Тургай, з якім мы звязаліся па тэлефоне. — Менавіта з публікацый вершаў Купалы на чувашскай мове пачалі фарміравацца беларуска-чувашскія літаратурныя сувязі ў 30-я гады мінулага стагоддзя. На чувашскую мову Купалу перакладалі А. Галкін, Ю. Скварцоў, А. Арцем'еў, Г. Яфімаў, А. Эсхель, Г. Юмарт, М. Юхма і шмат хто яшчэ з нашых літаратараў. Своеасаблівым стымулам да пераўвасаблення паэзіі класіка беларускай літаратуры на чувашскую стала і тое, што на пачатку Вялікай Айчыннай вайны Янка Купала некаторы час жыў у Чэбаксарах. Паэт сябраваў з народнымі паэтамі Чувашыі Мікалаем Шэлепі і Сямёнам Эльгерам.

Будзе што расказаць на вечары Валерыю Тургаю і пра ўласны досвед перакладчыцкага асэнсавання неўміручай паэзіі. Нядаўна чувашскі літаратар завяршыў пераклад «Санетаў» Янкі Купалы. Мяркуецца, што гэты пераклад будзе надрукаваны ў зборніку «Санетаў» Янкі Купалы на мовах народаў свету. Кніга пабачыць свет у мінскім выдавецтве «Мастацкая літаратура».

Сяргей ШЫЧКО

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».