Спецыяльныя знакі “Найлепшая зоакрама года”, “Найлепшая ветэрынарная аптэка года” і “Найлепшая ветэрынарная клініка года” атрымалі пераможцы першага рэспубліканскага конкурсу ў сферы зоаветэрынарнага бізнесу. Спаборніцтва, арганізаванае сёлета ўпершыню, ужо мяркуюць зрабіць штогадовым.
На думку спецыялістаў Віцебскай дзяржаўнай акадэміі ветэрынарнай медыцыны, аднаго з арганізатараў конкурсу, падобнае саперніцтва пасадзейнічае стварэнню адзінага прафесійнага поля з высокімі стандартамі якасці зоаветэрынарных паслуг. У сваю чаргу, пераможцы змогуць выкарыстоўваць прысуджаныя знакі ў сваіх рэкламных і прэзентацыйных матэрыялах.
Дыпломы і каштоўныя прызы пераможцам уручылі падчас круглага стала “Зоаветэрынарны бізнес Рэспублікі Беларусь: рэаліі і перспектывы”. На мерапрыемстве абмяркоўваліся таксама актуальныя пытанні развіцця зоаветэрынарнага бізнесу ў краіне, новыя метады і тэхналогіі лячэбнай і аптэчнай справы ў сферы ветэрынарнай дзейнасці і новыя праекты ў сферы падрыхтоўкі і павышэння кваліфікацыі ветспецыялістаў.
Ірына СІДАРОК
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
