Вы тут

Крынічны Ян


Крынічны Ян — гэта халодны струмень вады, купальскія кветкі і капліца з драўлянай выявай Яна (Іаана) Златавуста — хрысціцеля Ісуса. Прынамсі, гэтак павінна быць і так ёсць на крынічным комплексе, які знаходзіцца на памежжы Глыбоцкага і Мёрскага раёнаў на беразе маленькай рачулкі Аута.


Не першае стагоддзе працягваецца традыцыя прыходзіць сюды на пачатку ліпеня ад праваслаўнай царквы, якая знаходзіцца ў вёсцы Чарневічы. Вернікі на чале са святаром ідуць за чатыры кіламетры — па лесе, полі, пералеску, на сваім шляху збіраюць кветкі — іх павінна быць не менш за сем — Янаўскае свята прыпадае на сёмага ліпеня. Настаяцель чарневіцкага прыхода айцец Сергій ужо болей за дваццаць гадоў бласлаўляе гэта лакальнае паломніцтва і асвячае ваду ў гэты дзень. Сёлета споўнілася дзесяць гадоў, як крыніца стала выглядаць па-новаму, можна сказаць незвычайна: калодзеж упрыгожаны бутам, з'явілася і купель, капліца атынкаваная, набыла прывабны выгляд. Дарэчы, асноўны руплівец упарадкавання крынічнага комплексу — жыхар вёскі Язна Алег Вайцаховіч, які ў свята заўсёды бывае разам са сваімі землякамі. У капліцы знаходзіцца святыня — выява Яна: ён лічыцца апекуном крынічнай вады. Гэта скульптура — шэдэўдр клерыкальнага мастацтва. На фэст Яна — так называюць свята мясцовыя жыхары — збіраюцца нават госці з Латвіі і Літвы — прыязджаюць на сваю малую радзіму. Святая крыніца сама кліча і збірае сюды і знаёмых, і нават чужых людзей.

Анатоль Кляшчук, фота аўтара

Выбар рэдакцыі

Грамадства

Як «маленькая «Заря» распальвала партызанскі рух на Брэстчыне

Як «маленькая «Заря» распальвала партызанскі рух на Брэстчыне

У 1943—1944 гадах легендарнай Хаваншчыны (Івацэвіцкі раён) немец баяўся як агню.

Культура

Андрэй Куціла: У параўнанні з ігравым  дакументальнае кіно — несумленнае

Андрэй Куціла: У параўнанні з ігравым дакументальнае кіно — несумленнае

Заўтра ў харвацкай сталіцы пачынаецца міжнародны фестываль дакументальнага кіно ZаgrеbDох, у асноўны конкурс якога адабраны і фільм беларускага дакументаліста Андрэя Куцілы Summа.

Калейдаскоп

Вясёлыя гісторыі чытачоў

Вясёлыя гісторыі чытачоў

Піць — хваробу лячыць...

Эканоміка

Ці паўплываюць буйныя спартыўныя спаборніцтвы на кошт арэнды жылля ў Мінску

Ці паўплываюць буйныя спартыўныя спаборніцтвы на кошт арэнды жылля ў Мінску

Рынак нерухомасці заўсёды нестабільны перад значнымі мерапрыемствамі, якія прыцягваюць турыстаў.