Вы тут

Пра што раскажуць ногці


Чаму на іх з'яўляюцца белыя плямы, увагнутасці, бугры і хвалі?

Белыя плямы — гэта адна з самых частых, і, бадай, самая спрэчная скарга на ногці. Называецца такая з'ява лейканіхія. Калі вы раптам звярнулі ўвагу, што ваша пласціна на ногцях стала белаватая, змяняе колер, прычым такія перамены стойкія, то гэта можа сведчыць пра хваробы печані, часам нават вельмі цяжкія, такія, як цыроз.


У медыцынскім цэнтры ўніверсітэта штата Мэрыленд (ЗША), напрыклад, заявілі, што дробныя белыя плямы на ногцях сведчаць пра недахоп цынку ў арганізме, які надыходзіць падчас жорсткай дыеты і доўгай дэпрэсіі. А цынк сапраўды неабходны для росту і дзялення клетак, якія «вырабляюць» скуру, валасы і ногці. Аднак на думку іншых спецыялістаў, сувязь дэфіцыту цынку ці кальцыю з жалезам і белымі адмецінамі на ногцях надуманая. А адзіны факт, які дакладна даказаны,— што асноўная прычына белых плям — гэта механічнае або хімічнае парушэнне працэсу арагавення ногця.

Няправільны танны лак для ногцяў, танны ацэтон для яго зняцця, вузкі абутак і няправільнае выдаленне кутыкулы — вось самыя частыя прычыны з'яўлення белых плям, якія зусім і не плямы, а пузыркі паветра. Ніякага пігменту белага колеру ў ногці няма.

У якія колеры могуць пафарбавацца ногці?

Сінімі ногці робяцца не толькі ад таго, што іх прышчамілі, але яшчэ і з-за цыянозу. Прычына такая ж, як і ў выпадку, калі пальцы сінеюць на марозе: дэфіцыт кіслароду, з-за чаго ток крыві замаруджваецца і падскурныя сасуды набываюць сіняватае адценне. Жаўцеюць ногці ў заядлых курыльшчыкаў. Здараецца, што ногці чырванеюць на кончыках і каля асновы, робяцца карычневымі ці набываюць зеленаватае адценне. Усім гэтым колерам што толькі не прыпісваюць: сіфіліс, абсцэс, праблемы са шчытападобнай залозай і анкалогію. Але адназначна так сказаць нельга. У здаровага чалавека ногці павінны быць раўнамерна ружовымі, а з любымі адхіленнямі варта звяртацца да дэрматолага.

Што азначаюць хвалі і ўпадзіны?

Расслаенне ногцяў найчасцей сустракаецца ў цырульнікаў, медсясцёр і прыбіральшчыц. Гэта адбываецца з-за таго, што ў іх рукі доўгі час або мокрыя, або перасушаныя. У майстроў манікюру да вільгаці дадаецца ультрафіялетавая лямпа для сушкі і агрэсіўны склад лакаў для ногцяў. А калі чалавек нічога не мые, не прыбірае, то ломкасць ногцяў можа быць прыкметай анеміі і наступствам дэфіцыту жалеза, без якога гемаглабін дрэнна даносіць кісларод да тканак, асабліва тых, што на пальцах і далёка ад сэрца. Вертыкальныя хвалі для людзей сталага ўзросту, у якіх абменныя працэсы замаруджваюцца, з'ява нармальная, а ў больш маладых могуць быць прыкметай псарыязу, экзэмы ці артрыту. Калі ж на ногцях з'явіліся гарызантальныя ўвагнутасці і бугры, то, хутчэй за ўсё, гэта вынік стрэсу, і ваш арганізм мае патрэбу ў вітамінах ці мікраэлементах.

Алена КРАВЕЦ

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.