Вы тут

Як не праспаць фітафтароз


Калі прыслухацца да парад вопытных агароднікаў, то ўсё проста: трэба сачыць за бульбай. Як толькі на ёй з'явяцца жоўтыя плямы, трэба распачынаць ахоўныя апырскванні памідораў.


Першай на фітафтору захворвае бульба, а затым ад яе заражаюцца памідоры. Гэта ўсё ў ідэале. А на практыцы часта праводзяць апырскванне бульбы ад каларадскага жука. А каб забіць адразу двух зайцоў, для прафілактыкі ў раствор дадаюць прэпараты ад фітафторы. У выніку нашая бульба можа і не захварэць, а шкодныя фітафтарозныя споры прыляцяць ад лянівых суседзяў.

Таму адразу, як толькі расада высаджана ў грунт, адлічваем два-тры тыдні і праводзім першую прафілактычную апрацоўку ад комплексу хвароб.

Другую прафілактычную апрацоўку праводзяць, калі на раслінах з'явяцца першыя бутоны.

Самы рызыкоўны час — пачатак ліпеня, калі пачынаюцца туманы. У гэты час трэба рыхтавацца змагацца з фітафтарозам. Не спадзявацца на адны фунгіцыды, трэба выконваць яшчэ і простыя прафілактычныя прыёмы:

  • не загушчаць пасадкі;
  • ніжняе лісце і большасць пасынкаў выдаліць. Калі надвор'е дажджлівае, да вышыні 20 см не павінна застацца ні аднаго ліста;
  • паліваць пасадкі лепш раніцай, каб расліны паспелі абсохнуць да вечара;
  • у падкормках старацца выкарыстоўваць угнаенні, у якіх пераважаюць фосфар і калій;
  • перад выдаленнем пасынкаў і лістоты карысна расліны апырскаць імунастымулятарамі;
  • пры неспрыяльным надвор'і штотыдзень апырскваць расліны фітаспарынам-М або яго аналагамі;
  • фунгіцыды выкарыстоўваць не пазней чым за 20 дзён да ўборкі ўраджаю. Выключэнне толькі бардоская вадкасць, якую можна ўжываць за два тыдні да збору пладоў. Не забывайце чаргаваць прэпараты, бо ў грыбкоў можа выяўляцца ўстойлівасць да іх.

Калі пачынаецца збор пладоў, змагацца з фітафторай можна толькі кітайскай сумессю (100 г мачавіны + 5 г борнай кіслаты + 3 г меднага купарвасу + 3 г жалезнага купарвасу + 1 г марганцоўкі на 10 л вады) або сумессю на аснове зялёнкі (зялёнка — 1—1,5 ч. лыжкі, медны купарвас — 1,5 ч. лыжкі, сода харчовая — 7 ст. лыжак, вапна гашаная — 1 ст. лыжка, малако каровіна — 2 л). Дадаць вады і давесці аб'ём да 10 л. Змяшаць, працадзіць і апырскаць усе расліны і глебу каля таматаў.

Ірына Тамковіч

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.