Вы тут

Што агульнага ў золата і марожанага?


Хімічную чысціню золата (А) нярэдка вызначаюць каратнай пробай: лічыцца, што сплаў на 24 караты складаецца з высакароднага металу не менш чым на 99,9 масавага працэнта. Паходжанне гэтай меры прасочваецца з часоў імператара Канстанціна, які ўвёў у абарачэнне соліды (залатыя манеты).


Такія манеты адліваліся з чыстага золата, важылі цэлых 24 караты (4,55 грама) і вельмі шанаваліся. Яны сталі прапарцыйнай мерай чысціні металу: напрыклад, 12-каратны сплаў складаецца з прымесяў напалову, а чырвонае золата 750-й пробы павінна мець не менш за 18 карат (750/1000 х 24). Але сама адзінка карата была запазычаная ў ювеліраў. Са спрадвечнай старажытнасці ў якасці меры вагі каштоўных камянёў яны карысталіся спелымі пладамі ражковага дрэва (B), якія адрозніваюцца выдатнай пастаяннасцю масы — 0,19-0,2 грама. Гэтыя бабовыя расліны шырока культывуюць па ўсім узбярэжжы Міжземнага мора. З іх пладоў атрымліваюць парашок кэраб, які ідзе на гатаванне традыцыйных страў і ў Іспаніі, і на поўначы Афрыкі, і ў Грэцыі. Часта ён выступае як заменнік какавы: кэраб нашмат таннейшы, менш салодкі і да таго ж амаль не змяшчае таксін тэабрамін, які робіць звычайны шакалад небяспечным для сабак і некаторых іншых жывёл. Але наогул бабы ражковага дрэва знайшлі прымяненне далёка за межамі міжземнаморскай кухні. З іх атрымліваюць камедзь — складаную сумесь простых вугляводаў, вядомую ў якасці харчовай дабаўкі Е410. Камедзь ражковага дрэва бяспечная, яе выкарыстанне дазволена практычна паўсюдна, звычайна ў ролі эмульгатара. Е410 уваходзіць у склад большасці гатункаў марожанага (C): яна дазваляе астуджаць сумесь без утварэння ледзяных крышталёў і атрымліваць аднастайную і смачную масу.

Іван КУПАРВАС


Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.