Вы тут

У Мінску прайшло развітанне з Мікалаем Дземянцеем


Цырымонія развітання з былым старшынёй Вярхоўнага Савета БССР 12-га склікання, членам Савета Рэспублікі Нацыянальнага сходу Беларусі 1-га склікання Мікалаем Іванавічам Дземянцеем прайшла 12 ліпеня ў Мінску.


Мікалай Дземянцей памёр 10 ліпеня.

У 1990-1991 гадах Мікалай Дземянцей узначальваў Вярхоўны Савет БССР. Пад яго старшынствам Вярхоўны Савет 27 ліпеня 1990 г. прыняў Дэкларацыю аб дзяржаўным суверэнітэце Беларускай ССР. У 1996-2000 гады быў сябрам Савета Рэспублікі.

Дземянцей Мікалай Іванавіч нарадзіўся ў 1930 годзе ў вёсцы Хотліна Чашніцкага раёна Віцебскай вобласці. У 1959 годзе скончыў Беларускую дзяржаўную сельскагаспадарчую акадэмію (БСГА), у 1964 г. - Вышэйшую партыйную школу пры ЦК КПСС. З 1952 году быў на выкладчыцкай, гаспадарчай і партыйнай працы ў Віцебскай вобласці. У 1970-1974 гады - інспектар, з 1977 года - загадчык сельскагаспадарчага аддзела, у 1979-1989 гады - сакратар ЦК КПБ. У 1989-1990 гады быў старшынёй Прэзідыума Вярхоўнага Савета БССР, намеснікам старшыні Вярхоўнага Савета СССР, членам Савета Федэрацыі СССР. Аўтар кнігі ўспамінаў "Урокі жыцця".

Прэзідэнт Беларусі Аляксандр Лукашэнка накіраваў спачуванне ў сувязі са смерцю беларускага дзяржаўнага дзеяча Мікалая Дземянцея.

БЕЛТА

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.

Эканоміка

У сельскай гаспадарцы трэба кардынальна мяняць павышэнне кваліфікацыі

У сельскай гаспадарцы трэба кардынальна мяняць павышэнне кваліфікацыі

«МС» пагутарыла з вядомым у Беларусі вучоным-аграрыем.

Грамадства

Андрэй Кароль: Студэнтаў трэба задзейнічаць у кухні па «прыгатаванні» ведаў

Андрэй Кароль: Студэнтаў трэба задзейнічаць у кухні па «прыгатаванні» ведаў

Рэктар БДУ пра нешаблоннае мысленне, эўрыстычнае навучанне і адмаўленне ад маналогу.