Вы тут

Падышоў кульмінацыйны момант чэмпіянату свету па футболе


Першым фіналістам мундзіялю стала зборная Францыі, якая ў матчы за права згуляць у вырашальнай сустрэчы абыграла каманду Бельгіі 1:0. Французы ўжо з'яўляюцца двухразовымі чэмпіёнамі Еўропы (1984 і 2000 гады) і чэмпіёнамі свету 1998 года. Усяго ж яны ўдзельнічалі ў фінальных стадыях топ-турніра 14 разоў. Зборная Францыі стала першай камандай у гісторыі, якой удалося пасля перамогі на сусветным першынстве аказацца найлепшай таксама і ў Еўропе.


Апошні раз у фінале чэмпіянату свету французы гулялі ў 2006-м, тады камандай кіраваў Раймон Даменек. У вырашальным матчы дасведчаная дружына саступіла па пенальці Італіі. Менавіта пасля гэтага чэмпіянату са зборнай развітаўся лідар і капітан каманды Зінедзін Зідан.

На рахунку «трохкаляровых» таксама значыцца перамога на Алімпійскіх гульнях у Лос-Анджэлесе-1984 і два Кубкі канфэдэрацый. Медалі якой вартасці дададуць сабе ў актыў французы ў 2018-м, даведаемся ў нядзелю.

Іх сапернікамі сталі харваты, якія ў паўфінале выбілі з барацьбы за «золата» тытулаваных англічан (2:1). Для балканскай зборнай цяперашні чэмпіянат свету ўжо стаў найлепшым у гісторыі, такога выніку футбалісты гэтай краіны не дамагаліся ніколі. Хоць пэўныя поспехі ў маладой каманды (яна існуе з 1990 года і была прызнана ФІФА і УЕФА толькі ў 1992-м) ужо былі. У 1998 годзе зборная Харватыі стала бронзавым прызёрам чэмпіянату свету, а яе гулец Давар Шукер — найлепшым бамбардзірам турніру. Зборная Харватыі двойчы (у 1994 і 1998 гадах) прызнавалася ФІФА камандай, якая дамаглася найбольшага прагрэсу ў рэйтынгу зборных па выніках года, а таксама займала ў ім месцы з 125-га па 3-е, што складае найбольшую розніцу паміж занятымі месцамі ў рэйтынгу ФІФА сярод усіх зборных.

Тое, што фінал будзе цікавым, сумненняў няма, матч адбудзецца ў нядзелю, 15 ліпеня, на галоўным стадыёне турніру — «Лужніках». Сустрэча за бронзавыя медалі пройдзе ў суботу ў Піцеры, на поле выйдуць каманды Бельгіі і Англіі.

Дар'я ЛАБАЖЭВІЧ

Загаловак у газеце: Чэмпіёны супраць дэбютантаў

Выбар рэдакцыі

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!