Пасяджэнне Савета міністраў унутраных спраў СНД пройдзе 19-21 ліпеня ў Баку

Пасяджэнне Савета міністраў унутраных спраў СНД пройдзе 19-21 ліпеня ў Баку, паведамілі ў прэс-службе Выканаўчага камітэта СНД.

Прадстаўнікі сілавых ведамстваў разгледзяць ход рэалізацыі міждзяржаўных праграм барацьбы са злачыннасцю, а таксама прааналізуюць супрацоўніцтва МУС (паліцыі) дзяржаў Садружнасці. У прыватнасці, абмяркуюць узаемадзеянне органаў унутраных спраў па супрацьдзеянні новым відам злачынстваў, якія выконваюцца на тэрыторыі СНД у сферы сучасных інфармацыйных тэхналогій.

Савет разгледзіць пытанне надзялення Маскоўскага універсітэта МУС Расіі імя В.Я. Кікаця статусам базавай арганізацыі дзяржаў СНД па падрыхтоўцы кадраў у сферы барацьбы са злачынствамі, што ўчыняюцца з выкарыстаннем інфармацыйных тэхналогій. Плануецца ацаніць ход распрацоўкі праектаў дакументаў, якія рэгламентуюць парадак міждзяржаўнага ўзаемадзеяння пасля вяртання ў краіну людзей, якія падлягаюць прымусовай высылцы з адной дзяржавы ў другую.

БЕЛТА