Вы тут

Дзень моладзі праходзіць на «Славянскім базары»


Сёння па віцебскіх вуліцах шпацыравалі косплееры і сярэднявечныя рыцары, экзатычныя танцоры капаэйры і юныя футбалісты, удзельнікі мадэльных агенцтваў і эстэтычных студый, прадстаўнікі розных моладзевых субкультур, танцавальных накірункаў і відаў спорту, а следам праязджалі велатрыялісты, скейтбардыты і ўладальнікі рарытэтных і, наадварот, найсучасных цюнінгованых аўтамабіляў – на “Славянскім базары” праходзіць Дзень моладзі.


У традыцыйным арт-парадзе “БелаРусь у Сэрцы Маім!” узялі ўдзел падлеткі і моладзь з усіх рэгіёнаў Беларусі, якія прадставілі разнастайныя спартыўныя і творчыя накірункі.

Пасля ўрачыстага ўскладання кветак да мемарыяльнага комплексу ў гонар савецкіх воніаў-вызваліцеляў, партызан і падпольшчыкаў Віцебшчыны ўдзельнікі свята рушылі на плошчу Перамогі, дзе кожны знайшоў занятак на свой густ. На галоўнай сцэне віншавалі віцяблян і гасцей горада з Днём моладзі Алена Ланская, Вольга Сацюк, гурт “PROвокация” і іншыя артысты і  музычныя калектывы. Паралельна сваю праграму прапаноўвалі  пляцоўкі Рэспубліканскага турніра па воркауце “Наша сіла” і Кубка Беларусі па сілавым экстрыме, адбываліся мастацкія майстар-класы і выстава жывых скульптур, “лазерны біятлон” і аб’ёмныя шахматы, запрашалі наведнікаў пляцоўкі вулічнага баскетболу і інтуітыўнага футболу.

“Паспрабуеце свае сілы?” – запрашалі далучыцца да апошняга самых смелых. Гульня, у якой нароўні з невідушчымі і слабавідушчымі спартсменамі ўдзельнічаюць усе ахвотныя, аранаючы спецыяльныя маскі, насамрэч толькі падаецца лёгкай. Па-першае, у інтуітыўным футболе выкарыстоўваецца больш цяжкі мяч з бразготкамі ўнутры, а па-другое, зарыентавацца па гуках, адключаючы такі звыклы зрок, -- сапраўдны чэлендж для непадрыхтаванага чалавека. І тым не менш, ахвотнікаў падтрымаць спартсменаў знаходзілася даволі многа – гэтак сама як і тых, хто падтрымліваў рэкорды веларолераў і трукі скейтбардыстаў—удзельнікаў ІІ этапу адкрытага чэмпіянату рэспублікі.

А тыя, каму ўсё гэта падавалася занадта цяжкім, з задавальненнем пагружаліся ў атмасферу Фестывалю дваровых гульняў “Альтэрнатыва”: скачкі ў класікі і скакалкі, гарадкі, бадмінтон, лато, даміно, крыжыкі-нулікі… Нават звыклы для “Славянскага базару” дождж не перапыніў забавы, хіба толькі прымусіў шчыльней закутацца ў дажджавікі ды раскрыць над суседзямі парасоны.Што рабіць, дождж – таксама фестывальная традыцыя.

Вікторыя ЦЕЛЯШУК

Фота Віктара НІКАЛАЕВА

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.