Вы тут

Сёння стане вядомы пераможца конкурсу «Славянскага базару-2018»


У другі конкурсны дзень, 15 ліпеня, са сцэны Летняга амфітэатра гучаў “Фестывальны хіт” – вядомыя па сусветных хіт-парадах творы на розных мовах. Зрэшты, акрамя англійскай, французскай, італьянскай і іспанскай, Віцебск пачуў таксама прывітанні і словы падзякі на ўсіх мовах канкурсантаў – ад рускай да кыргызскай.


Артысты стараліся ўразіць як выбарам песень, так і вакальным дыяпазонам і драматычным талентам. Прыкладам, удзельнікі з Беларусі і Італіі з галавой нынрулі ў рок, выканаўшы хіты Aerosmith i Queen, расіянка Аляксандра Карабешкіна, наадварот, прымерыла вобраз поп-ідала Брытні Спірз з яе “Oops! I did it again”. Канкурсанты з Латвіі і Літвы перанеслі на сцэну “Славянскага базару” рытмы “Еўрабачання”. Кубінка Рэбека Эмбель праспявала на іспанскай не менш палкі, чым у Глорыі Гейнар, маніфест “Я буду жыць!”. Дарэчы, нягледзячы на адносна невысокія балы журы, дзяўчына дакладна ўвойдзе ў гісторыю конкурсу як уладальніца аднаго з самых яркіх сцэнічных вобразаў: у абодва конкурсныя дні спявачка выступала ў адмысловых галаўных уборах, нібыта пазычаных на бразільскім карнавале.

А першым, хто сарваў не проста апладысменты – авацыі, – стаў Марчэл Рошка з Румыніі. Артыст па-майстэрску выканаў на два галасы і на дзвюх мовах “Малітву” – і набраў максімальныя 80 балаў!

Таксама ўсе “дзясяткі” паставіла міжнароднае журы Міле Ніціч з Украіны – хіт “Je suis malade” (“Я хворая”), які многія любяць і памятаюць па выкананні Даліды і Лары Фабіян, артыстка не тое што праспявала, а пражыла на сцэне.

Але асноўным сапернікам для румынскага спевака стала не яна, а адзін з лідараў першага конкурснага дня, прадстаўнік Казахстана Амрэ. Сціплы батыр сумеў і выканаць уласную даўнюю мару – узняць на віцебскай сцэне сцяг роднай краіны, але і падарыў гледачам пранізлівую “Я сплю на ружах” з французскага мюзіклу “Моцарт. Рок-опера”. Да максімума і перамогі Амрэ не хапіла ўсяго аднаго бала. У выніку ў артыстаў з Казахстана і Румыніі аднолькавая сума балаў – па 156. Крыху менш – 154 – набрала ўкраінская спявачка, па 151 бале ў прадстаўніка Беларусі Яўгена Курчыча і Сільвіі з Польшчы. А значыць, інтрыга захоўваецца! І вырашыцца яна толькі сёння на ўрачыстым канцэрце закрыцця фестывалю мастацтваў “Славянскі базар у Віцебску”, калі будуць уручаныя ўсе ўзнагароды конкурсу.

Тое, што выбар быў складаны, пацвердзіў і адзін з удзельнікаў міжнароднага журы, знакаміты італьянскі спявак Раберціна Ларэці: “У сёлетніх канкурсантаў, можа, і не максімальны выканальніцкі ўзровень, але дакладна вельмі высокі. Мяне асабіста радуе, што многія спяваюць сэрцам – гэта самае важнае, ў размове са слухачом”.

Нагадаем, паводле рэгламенту, Гран-пры конкурсу не дзеліцца і можа не прысуджацца. Гэта значыць, што ў канчатковым абмеркаванні альбо скажа сваё важкае слова старшыня журы – расійскі кампазітар Аляксандр Марозаў, які можа даць дадатковы пераможны бал аднаму з прэтэндэнтаў, альбо Гран-пры сёлета зноў уручаны не будзе, і тады канкурсантам давядзецца падзяліць першую і трэцюю прэміі (а гэта 15 і 5 тысяч долараў адпаведна). Ці спраўдзяцца гэтыя прагнозы, стане вядома ў ноч з 16 на 17 ліпеня.

Вікторыя ЦЕЛЯШУК

Фота Віктара НІКАЛАЕВА

Выбар рэдакцыі

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».