Пад Адэсай у беларускі мінівэн урэзаўся грузавік: загінула дзіця

14 ліпеня на ўзбочыне трасы Адэса—Кіеў стаяў мінівэн з беларускімі нумарамі. У яго ўрэзаўся грузавік.

Ад удару легкавік вылецеў у кювет і аказаўся настолькі пашкоджаны, што адрамантаваць яго ўжо нельга. І самае прыкрае, што ў гэтым ДТЗ загінула дзіця.

Па паведамленні патрульнай паліцыі Адэсы, дзяўчынцы было ўсяго чатыры гады. Тры чалавекі, сярод якіх кіроўца грузавіка, дастаўлены ў бальніцу ў цяжкім стане.

Іншыя падрабязнасці здарэння пакуль высвятляюцца.

Валяр'ян ШКЛЕННІК