19 Верасень, серада

Вы тут

Вялікія ападкі — да трэцяга ўкосу


Не шанцуе аграрыям сёлета з надвор'ем, зусім не шанцуе. Спачатку дажджоў амаль зусім не было ў чэрвені, а ў трэцяй дэкадзе месяца глебавая засуха дасягнула крытэрыю небяспечнай аграрна-метэаралагічнай з'явы. А цяпер, у сярэдзіне лета, зарадзілі, месцамі дастаткова моцныя і працяглыя, праліўныя дажджы. Няўжо ўсё так дрэнна, што рукі апускаюцца? Ды не ж, не ўсё, адзначаюць спецыялісты.


Начальнік аддзела аграметэаралогіі Белгідрамета Кацярына ІСТОМІНА лічыць, што збожжавыя ўжо канчаткова паспелі, таму больш або менш іх не стане. Вось толькі... Вядома, у першую чаргу дажджы негатыўна адаб'юцца на палявых работах. А менавіта цяпер у паўднёвых і заходніх раёнах краіны пачынаецца выбарачная збожжаўборка. Збіраюць азімы ячмень. Для жніва гэтыя метэаўмовы вельмі складаныя. Акрамя таго, павышаецца вільготнасць зерня, што таксама стварае лішнія праблемы.

— Калі глядзець па верхнім пласце, то толькі ў асобных раёнах назіраецца пераўвільгатненне глебы, — адзначае Кацярына Істоміна. — Па стане на раніцу панядзелка моцнае ўвільгатненне адзначалася ў паўночна-ўсходніх раёнах Віцебскай вобласці (Езярышча, Шаркаўшчына, Докшыцы), у некалькіх раёнах Гродзенскай, Мінскай і Магілёўскай абласцей, на Гомельшчыне — у раёне Жлобіна, на Брэстчыне — у Брэсце.

Але дажджы ў нас не закончацца сёння, яны будуць працягвацца ўвесь гэты тыдзень. Калі глядзець у будучыню... Для бульбы пераўвільгатненне глебы можа прывесці да частковай гібелі ўраджаю. Але пераўвільгатненне павінна быць істотным і працяглым па часе. А яшчэ працяглыя дажджы адмоўна ўплываюць на ўраджай лёну.

Дадатковыя ападкі не перашкодзяць агародніне і кукурузе. Да гэтага агародніне патрабаваўся дадатковы паліў, а кукуруза пасля дажджоў пачне ўзмоцнена набіраць зялёную масу. Для памідораў і агуркоў тэмпературны рэжым у нас аптымальны — недахопу цяпла не назіраецца.

У паўднёвых рэгіёнах з-за засухі другі ўкос траў быў недастатковы. А вось пасля багатых ападкаў, спадзяюцца спецыялісты, пачне хутка расці трава трэцяга ўкосу.

Сяргей КУРКАЧ

Дадаць каментар

Выбар рэдакцыі

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.

Эканоміка

Ці можна кіраваць попытам спажыўцоў?

Ці можна кіраваць попытам спажыўцоў?

Ад спантаннай пакупкі са «зніжкай па-беларуску» можна не толькі не атрымаць якой-небудзь эканоміі, але і пераплаціць за яе.

Культура

У Мінск прыедуць «Іліяда» на папірусе і найстаражытнейшыя фрагменты Бібліі

У Мінск прыедуць «Іліяда» на папірусе і найстаражытнейшыя фрагменты Бібліі

Выстаўка адкрываецца ў Нацыянальнай бібліятэцы Беларусі.