Каля паловы восьмай вечара ў нядзелю пайшоў моцны дождж. Ліло нібы сцяной, нават цёмна стала. Неба перыядычна разрывалі маланкі. Наймацней затопленымі аказаліся ўскраіны горада. Дасталося і асобным мікрараёнам. Ужо праз некалькі гадзін у сеціве з'явіліся здымкі, як гараджане плывуць па вуліцы на надзіманых матрацах альбо перамяшчаюцца ў ластах.
Некаторыя вуліцы літаральна ператварыліся ў рэкі. Дзе-нідзе вады было не па калена, а вышэй. «Плавалі» вуліца Янкі Купалы, асобныя вуліцы мікрараёнаў Граеўка і Кавалёва.
Моцны лівень працягваўся каля гадзіны, але і потым стыхія не адступіла, дождж ішоў амаль усю ноч. Падтопленымі аказаліся падворкі многіх прыватных дамоў. Як паведамілі ў абласным упраўленні МНС, у вячэрнія гадзіны ад брастаўчан паступіла амаль паўтары сотні зваротаў. Быў уведзены план «Надвор'е», па трывозе ўзнятыя ўсе службы.
Гэта ўжо другі лівень за тыдзень. Напярэдадні ў чацвер абласны цэнтр таксама апынуўся ва ўладзе стыхіі.
Святлана ЯСКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
