Вы тут

У Гомелі праходзіць Міжнародны злёт юных ратавальнікаў


Як дзейнічаць у надзвычайных сітуацыях — з юных гадоў ведаюць хлопцы і дзяўчаты, што сабраліся ў Гомельскім спецыялізаваным ліцэі пры ўніверсітэце грамадзянскай абароны МНС. Там шаснаццаты раз праходзіць Міжнародны злёт юных ратавальнікаў.


Міністр МНС Уладзімір Вашчанка вітае каманды — удзельніцы Міжнароднага злёту.

Міністр па надзвычайных сітуацыях Беларусі Уладзімір Вашчанка падкрэсліў, што пры рабоце з моладдзю ў сферы бяспекі важна развіваць міжнародныя сувязі на ўзроўні рэспублікі і асобных ведамстваў:

— Магчымасць стасункаў дзяцей з розных краін і абмен досведам у сферы бяспекі — залог паспяховага міжнароднага супрацоўніцтва ў будучыні. Юныя прадстаўнікі нашай краіны таксама ўдзельнічаюць у аналагічных мерапрыемствах у іншых краінах. Нядаўна яны вярнуліся з Азербайджана. Таксама прымалі ўдзел у спаборніцтвах у Латвіі, Велікабрытаніі, ЗША, Расіі, Украіне...

На плошчы ў спецыялізаваным ліцэі пры Універсітэце грамадзянскай абароны МНС Уладзімір Вашчанка асабіста вітаў кожную з камандаў. Напярэдадні злёту маладыя людзі з Азербайджана, Арменіі, Балгарыі, Грузіі, Германіі, Італіі, Казахстана, Латвіі, Польшчы, Расіі, Сербіі і Украіны прайшлі рэгіянальныя і рэспубліканскія адборы на радзіме. Між тым Беларусь на злёце прадстаўлена сталічнай камандай. Яна, дарэчы, і стала пераможцай ХХ Рэспубліканскага злёту юных ратавальнікаў. Расію прадстаўляюць дзве юнацкія каманды — з Санкт-Пецярбурга і Нягані. У камандзе Польшчы выключна дзяўчаткі, а нямецкія школьнікі сталі ўдзельнікамі пасля шматгадовага перапынку. Чацвёрты раз прывёз сваіх падапечных з гарадка Віджана рэгіёна Базіліката кіраўнік італьянскай каманды Эджыдыа Лакана:

— Нам усё спадабалася. Для нас тут — як другі дом, і мы заўсёды хочам сюды вярнуцца.

Школьніца з балгарскай Варны Румяна Кондава на Беларусі ўжо трэці раз. Гаворыць, што разам з паплечнікамі гатовая змагацца выключна за перамогу.

У праграме — сем конкурсаў, а таксама майстар-класы па асновах бяспекі жыццядзейнасці. Каманды прэзентуюць «Візітную картку», павінны прайсці «Пажарную эстафету», выдаць актуальны выпуск Nеwsрареr-Bіllbоаrd. Таксама паўдзельнічаюць у спаборніцтвах па аказанні першай дапамогі, праходжанні турыстычнай паласы, вызначаць найлепшых у спартландыі і зборных палявых вучэннях. Школьнікаў, канешне, чакаюць экскурсіі, дыскатэкі і вогнішчы сяброўства. У такім рытме ўдзельнікі міжнароднага злёту юных ратавальнікаў будуць жыць цэлы тыдзень.

Ірына АСТАШКЕВІЧ

Загаловак у газеце: На мове выратавання знаходзяць паразуменне школьнікі з 13 краін свету

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.