Вы тут

Якія спецыяльнасці ў БДУІР найбольш папулярныя?


Найбольш папулярнымі застаюцца ў БДУІР спецыяльнасці «Інфарматыка і тэхналогіі праграмавання» і «Эканоміка электроннага бізнесу».Сёння заканчваецца прыём дакументаў на бюджэтную форму навучання ў Беларускім дзяржаўным універсітэце інфарматыкі і радыёэлектронікі.


Ва ўніверсітэце сёлета павялічылі набор на 285 чалавек. Новыя месцы з'явіліся на факультэце камп'ютарных сістэм і сетак, факультэце інфармацыйных тэхналогій і кіравання, а таксама на факультэце інфакамунікацый.

«З верасня студэнтаў чакае больш сучасных аўтарскіх курсаў, якія распрацоўваюцца сумесна з ПВТ. У прыярытэце рэалізацыя мадэлі «Універсітэт 3.0»: плануем пашырыць прыцягненне студэнтаў у навуковыя даследаванні, развіваць бізнес-інкубатар, распрацаваць механізмы камерцыялізацыі навуковых распрацовак», — адзначыў рэктар БДУІР, доктар фізіка-матэматычных навук, прафесар Вадзім БОГУШ.

Па звестках прыёмнай камісіі БДУІР на 12.00 16 ліпеня, больш за ўсё дакументаў абітурыенты падалі на традыцыйна папулярную спецыяльнасць «Інфарматыка і тэхналогіі праграмавання» (прахадны бал у 2017 годзе 380). Далей ідуць «Праграмнае забеспячэнне інфармацыйных тэхналогій» (прахадны бал летась 372) і «Эканоміка электроннага бізнесу» (прахадны бал у 2017-м 364).

Згодна з той жа інфармацыяй, менш за ўсё дакументаў пакуль падавалі на спецыяльнасці «Радыёінфарматыка» (прахадны бал летась 274), «Электронныя і інфармацыйна-кіраўнічыя сістэмы фізічных установак» (прахадны бал у 2017-м 258), «Нанатэхналогіі і нанаматэрыялы ў электроніцы» (леташні прахадны бал — 257).

«Зараз шмат магчымасцяў прафесійнай рэалізацыі на стыку дысцыплін — робататэхнікі і медыцыны, электронікі і тэхналогій праграмавання. Вучоба і навука, спорт і культурныя мерапрыемствы — усё гэта даступна ў БДУІР дзякуючы прафесарска-выкладчыцкаму саставу, інфармацыйным рэсурсам і магчымасцям даследчай работы», — рэзюмаваў рэктар БДУІР.

Ілья КРЫЖЭВІЧ

Загаловак у газеце: У праграмісты б я пайшоў...

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.