Вы тут

У мінскім Доме кіно адкрылася выстаўка Алега Карповіча


«Беларусы. Арт-пазітыў». Пад гэтай назвай у мінскім Доме кіно адкрылася выстаўка вядомага творцы, члена Саюза мастакоў Беларусі Алега Карповіча. На ёй прадстаўлена каля 30 графічных работ, здольных прымусіць гледача найперш... усміхнуцца, а потым, магчыма, неяк па-іншаму паглядзець на... сябе і свет.


Працуючы аглядальнікам і мастаком у штодзённай газеце «СБ. Беларусь сегодня», Алег Карповіч стварыў дзясяткі тысяч малюнкаў, якія друкаваліся ў тым ліку ў часопісе «Вожык». Сярод іх — карыкатуры, сяброўскія шаржы, плакаты, стылізаваныя партрэты вядомых палітычных і грамадскіх дзеячаў, пісьменнікаў, артыстаў. У апошнія гады — і выстаўка таму ў пацвярджэнне — мастак вылучыў для сябе дзве найважнейшыя тэмы: «Беларусы» і «Мір».

— Адзін малюнак — гэта адзін гук, адно слова, — зазначыў Алег Карповіч, — два-тры малюнкі — выяўленчы акорд, чатыры-пяць — ужо мелодыя, а выстаўка — гэта, калі не сімфонія, то, магчыма, песня. І тут, мне здаецца, нават канкрэтная: «Мы, беларусы, мірныя людзі»...

Цёплыя словы ў адрас мастака на адкрыцці выстаўкі прамовілі старшыня Беларускага саюза мастакоў Рыгор Сітніца, галоўны рэдактар газеты «СБ. Беларусь сегодня» Дзмітрый Жук, мастацкі рэдактар часопіса «Вожык» Аляксандр Каршакевіч, мастак Алег Папоў ды іншыя.

Выстаўка будзе працаваць да 28 жніўня, потым пазнаёміцца з ёй змогуць гаспадары і госці Дня беларускага пісьменства, які сёлета пройдзе ў Іванаве, жыхары іншых райцэнтраў, бо і арт, і тым больш пазітыў патрэбныя сёння ўсюды.

Валянціна Доўнар

Загаловак у газеце: Спыніцца... Усміхнуцца

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.