На Сусветнай сустрэчы сем’яў, якая будзе праходзіць у ірландскім Дубліне з 21 па 26 жніўня, выступіць італьянскі тэнар Андрэа Бачэлі.
Выступ славутага спевака запланавана ў межах «Свята сем’яў» на дублінскім стадыёне Croke Park. 25 жніўня да яго далучацца знакаміты ірландскі вакальна-танцавальны ансамбль Riverdance, а таксама вядомы ірландскі флейтыст Джэймс Голуэй. У святочным мерапрыемстве возьме ўдзел і папа Францішак, які звернецца з прамовай да сем’яў з усяго свету.
Для ўдзелу ў глабальным сямейным форуме ўжо запісаліся 15 тыс. чалавек са 114 краін свету. Разам з ірландцамі гэта больш за 30 тыс.
На заключную св. Імшу Сусветнай сустрэчы сем’яў, цэлебрацыю якой узначаліць Святы Айцец, былі размеркаваны паўмільёна квіткоў, палову з якіх атрымалі мясцовыя жыхары. Бясплатныя квіткі разышліся на працягу двух тыдняў, прычым першыя 400 тыс. забраніравалі на працягу першых 48 гадзін.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.