22 Верасень, субота

Вы тут

Што цікавага паглядзець па тэлебачанні на наступным тыдні


«8 міля»

TV1000, 23 ліпеня

1995-ты, Дэтройт. Горад, які быў сэрцам амерыканскага аўтапрама, ператвараецца ў магілу прамысловасці, цэнтр беспрацоўя і хаосу, а таксама аднаго з самых сур'ёзных у гісторыі ЗША канфліктаў паміж белым і каляровым насельніцтвам. Шаша 8-я міля, якая падзяляе Дэтройт і прыгарад, становіцца своеасаблівай лініяй дэмаркацыі паміж чорнымі і белымі. Але ёсць і тыя, хто разумее, што сітуацыю трэба мяняць, пакуль не позна. Малады рэпер Джымі па мянушцы Трус праз музыку спрабуе вырвацца з атмасферы агульнай нянавісці, дакрычацца па абодва бакі барыкад, а таксама змяніць да лепшага ўласнае жыццё.

Фільм стаў культавым у субкультуры хіп-хопа дзякуючы ўдзелу рэпера Эмінема, а сам выканаўца і акцёр атрымаў-такі «Оскар» за найлепшую песню.


«2 дні»

TV1000 Ru, 23 і 24 ліпеня

У глыбокай правінцыі за сотні кіламетраў ад Масквы знаходзіцца музей напаўзабытага класіка рускай літаратуры. На зямлю, дзе размешчаны маёнтак, прэтэндуе губернатар, які хоча збудаваць тут новую рэзідэнцыю. А каб пацвердзіць свае прэтэнзіі законным шляхам, запрашае з Масквы высокага чыноўніка ўзроўню намесніка міністра.

Але чыноўнік з першага погляду закахаўся ў намесніка дырэктара музея, літаратуразнаўцу Марыю, якая не баіцца ў твар гаварыць праўду пра карупцыю і сквапнасць мясцовай улады. Масквіч вырашае дапамагчы наіўным інтэлігентам захаваць музей — праўда, для гэтага давядзецца задзейнічаць усе магчымыя сувязі...


«Дзесяць негрыцянят»

«Беларусь 3», 28 і 29 ліпеня

Што можа быць страшнага ў дзіцячай лічылцы? Напрыклад, тое, што яна раптам ператвараецца ў жыццё. Хтосьці невядомы, сабраўшы на аддаленым Негрыцянскім востраве 10 зусім розных чалавек, абвяшчае ўсім прысуд за здзейсненыя ў мінулым злачынствы і пачынае няўхільна скарачаць іх колькасць у поўнай адпаведнасці з радкамі лічылачкі...

Савецкая экранізацыя знакамітага дэтэктыва Агаты Крысці, у адрозненне ад папярэдніх брытанскіх і амерыканскіх стужак, найбольш поўна перадае атмасферу кнігі: змрочную, песімістычную, поўную ўзаемнага недаверу і падазрэнняў. Акрамя таго, рэжысёру Станіславу Гаварухіну ўдалося сабраць выдатны акцёрскі ансамбль, а здымкі праходзілі каля знакамітага «Ластаўчынага гнязда» і ў інтэр'ерах Варанцоўскага палаца ў Крыме.

Загаловак у газеце: Што хаваецца за лічбамі

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.