Штотыдзень у эфіры тэлеканала «Беларусь 3» віктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
по́куць — кут у хаце, дзе вісяць абразы;
ка́ня — драпежная птушка;
укле́нчыць — стаць на калена;
зале́ць — мерзнуць, стыць;
курко́ўка — паляўнічая стрэльба;
капы́л — калодка для вырабу абутку.
На ўсю іванаўскую — вельмі моцна, гучна крычаць, плакаць. Беларусы яшчэ скажуць: на ўсе застаўкі, не сваім голасам. Рускія: благим матом, во всю глотку.
Танцаваць пад нечыю дудку — ва ўсім падпарадкоўвацца каму-небудзь, выконваць чыю-небудзь волю. Беларускія адпаведнікі: скакаць пад дудку, хадзіць па нітачцы. Рускія: ходить на пальчиках, ходить по струнке.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.