Вы тут

Усходні гараскоп на наступны тыдзень


АВЕН. Пераадолець перашкоды, якія ўзнікаюць, дазволяць душэўны спакой, упэўненасць у правільна выбраным напрамку і ва ўласных сілах. У аўторак не варта давяраць усім без разбору. Многія абяцанні не будуць выкананыя. Пятніца — дзень зносін. Вас чакаюць сустрэчы з людзьмі з даўняга мінулага і новыя знаёмствы. У суботу пастарайцеся правесці вечар з каханым чалавекам, інакш у вас ці ў яго могуць з'явіцца падставы для рэўнасці.

ЦЯЛЕЦ. Тыдзень спрыяльны для новых спраў, пошуку дзелавых партнёраў і аднадумцаў. Адзінае, што можа азмрочваць настрой, гэта спазненні і спешка, таму паспрабуйце разлічваць час, звязаны з паездкамі і перасоўваннямі, «з запасам». Дарэчы, закаханасць не заўсёды спрыяе засяроджанасці ў працы. Так што лепш не ўзвальваць на сябе дадатковыя заданні.

БЛІЗНЯТЫ. На працы магчымыя змены да лепшага. У вас можа з'явіцца рэальны шанц падняцца па кар'ернай лесвіцы і атрымаць прыбаўку да зарплаты. На гэтым тыдні вас можа чакаць запрашэнне ў дзелавую паездку за мяжу. Пятніца пацешыць прыемнай інфармацыяй, якая дазволіць змяніць у лепшы бок фінансавае становішча. У выхадныя з'явіцца магчымасць завяршыць назапашаныя хатнія справы.

РАК. Тыдзень можа аказацца цікавым і насычаным падзеямі, важна правільна размеркаваць сілы і энергію. Асноўную частку часу паглыне праца. У панядзелак пажадана паставіць перад сабой дакладную мэту і прытрымлівацца яе. Сярэдзіна тыдня — выдатны момант для сур'ёзных перамен у асабістым жыцці. Будзьце адкрытыя са сваім выбраннікам.

ЛЕЎ. На гэтым тыдні асаблівую важнасць набудуць кантакты, сувязі і паездкі. Вы вельмі таварыскія і здольныя пра ўсё дамовіцца. Да чацвярга прывядзіце ў парадак усе дакументы, гэта ў вас атрымаецца лёгка і эфектыўна. Можна таксама разлічваць на разумную падтрымку і дапамогу калег. Выяўляйце настойлівасць пры адстойванні сваіх інтарэсаў, і поспех у справах забяспечаны. Пятніца — добры момант для пачатку доўгачаканага адпачынку.

ДЗЕВА. Амаль ідэальны тыдзень для таго, каб заняцца падрыхтоўкай і рэалізацыяй сур'ёзных дзелавых планаў. Асабліва цікавыя ідэі вас могуць наведаць у сераду, паспрабуйце запісаць іх, каб не выпусціць з-пад увагі вельмі неабходныя, хоць на першы погляд і нязначныя, дэталі. Будзеце здольныя разбурыць парачку гор, асабліва ў хатніх справах. Прычым ад вас не спатрэбіцца сур'ёзных намаганняў. У выхадныя, асабліва ў нядзелю, адчуеце супакаенне. Правядзіце час за горадам з сям'ёй.

ШАЛІ. Нарэшце шматлікія праблемы, якія не давалі спакойна жыць, знікнуць. Зоркі кажуць, што ў вас з'явіцца мудры дарадца. Панядзелак добры для спраў, якія можна хутка скончыць. У аўторак таксама непажадана пачынаць нешта новае, але калі сітуацыя распарадзіцца па-свойму, не спытаўшы дазволу зорак, то асаблівую ўвагу ўдзяляйце фінансаваму боку справы і правільнаму афармленню дакументаў. Пятніцу варта правесці ў рамантычнай абстаноўцы, стварыўшы для гэтага ўсе ўмовы загадзя.

СКАРПІЁН. Сітуацыя на працы складваецца на вашу карысць. Калегі гатовыя праявіць сяброўскія пачуцці і зрабіць прыемны падарунак. У сераду новыя пазітыўныя абставіны ўвойдуць у жыццё, што дазволіць вам быць аптымістам. Многія справы вырашацца без асаблівых намаганняў, скарыстайцеся гэтым, каб справіцца з найбольш надзённымі праблемамі. У нядзелю эмоцыі будуць біць цераз край, на шчасце — станоўчыя.

СТРАЛЕЦ. Калі не будзеце занадта задзіраць нос і выхваляцца дасягненнямі, вам гарантаваны поспех. Надыходзіць час творчасці і высокай актыўнасці, асабліва ў інтэлектуальнай дзейнасці. Але сцеражыцеся перашчыраваць з працай. Паспрабуйце, каб рабочыя пытанні не перашкаджалі асабістаму жыццю. У пятніцу не варта пераконваць начальніка, упэўненага ў сваёй праваце. Гэта той выпадак, калі прамаўчаць будзе лепш з усіх пунктаў гледжання.

КАЗЯРОГ. Пасля адпачынку ваш настрой (ды і стан) можа аказацца абсалютна непрацоўным. Паспрабуйце сабрацца, паколькі менавіта цяпер вы зможаце вырашыць нават самыя, здавалася б, спрэчныя пытанні ў прафесійнай сферы. Калі, вядома, не будзеце марнаваць час і сілы на крытыку навакольных і жаль да сябе. У выхадныя зносіны з дзецьмі і блізкімі сваякамі запатрабуюць шмат часу, будзьце да гэтага гатовыя.

ВАДАЛІЎ. Тыдзень можа аказацца актыўным і плённым пры ўмове, што не будзеце занадта самаўпэўненымі і транжырлівымі.
Вам проста неабходна зразумець абстаноўку ў калектыве і не цягнуць коўдру на сябе. Серада добрая для дзелавых перагавораў. У нядзелю паспрабуйце не марнаваць шмат часу на пустую балбатню.

РЫБЫ. У панядзелак вам могуць прапанаваць на першы погляд перспектыўную справу, у якую неабходна ўкласці пэўныя рэсурсы, але не спяшайцеся прыняць гэтую прапанову, варта ўсё прадумаць. Пачынаючы з аўторка сітуацыя зменіцца і дазволіць здзейсніць рывок у кар'еры. У чацвер не варта спрабаваць вырашаць некалькі пытанняў адначасова, лепш не спяшацца і зрабіць усё якасна, адклаўшы нешта на потым. У выхадныя паспрабуйце выбрацца на прыроду.

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.