Вы тут

Культавыя групы выступяць у Дудутках на фестывалі "Наш Грунвальд"


Музычнае свята на Х Міжнародным фестывалі сярэдневяковай культуры і музыкі "Наш Грунвальд" збярэ культавыя калектывы, паведаміў адзін з ініцыятараў і арганізатараў фестывалю Аляксандр Рак.


Фота: metal-maniac.co. Гурт "Cruachan".

Фестываль пройдзе 21-22 ліпеня ў музейным комплексе ў Дудутках. Галоўнай яго падзеяй стане рэканструкцыя Грунвальдскай бітвы, якая адбылася 15 ліпеня 1410 года паміж войскамі Тэўтонскага ордэна і саюзнікаў - Вялікага Княства Літоўскага і Каралеўства Польскага. Будзе і шмат іншых займальных і відовішчных блокаў: турніры, кірмашы, майстар-класы.

"Кожны год мы арганізуем фестываль унутры фестывалю - гэта музычны опэн-эйр. У мінулым годзе адзін з вакалістаў выказаў ідэю, што ў канцэртнай праграме павінны ўдзельнічаць калектывы, якія будуць прадстаўляць проціборствуючыя бакі. Так з'явілася ідэя ператварыць канцэрт у сімвалічны Грунвальд на сцэне", - сказаў Аляксандр Рак.

На сцэне будзе каманда Wizard - вядомая нямецкая група, якая вельмі папулярна ў Еўропе. Таксама заходні блок прадставіць група з Ірландыі Cruachan - сусветна вядомая каманда, якая шмат гастралюе па Еўропе і на іншых кантынентах.

Беларускія калектывы будуць прадстаўлены папулярным "Стары Ольса" і даволі маладым Folclore, які ўдачна спалучае фолк, сярэдневяковыя матывы і цяжкі метал. "І яшчэ будзе хэві-метал група Aillion. Яе вакаліст Канстанцін Дудараў з'яўляецца рыцарам аднаго з беларускіх клубаў, а таксама адным з заснавальнікаў і кіраўнікоў беларускай майстэрні Steel Legacy па вырабе даспехаў. Яго работы выстаўляюцца і ў Мірскім замку, і ў прыватных калекцыях у ЗША, Аўстраліі. Некаторыя песні групы Aillion напісаны Дзмітрыем Несцюком, адным з заснавальнікаў ваенна-гістарычнага руху ў Беларусі", - растлумачыў Аляксандр Рак.

Выступяць два госці з Расіі - група "Млын" і "Эпідэмія".

Праграма фестывалю "Наш Грунвальд" вельмі насычаная. На працягу двух дзён пройдуць рыцарскія турніры ў пешым страі ў фармаце "шчыт-меч", турнір алебардыстаў і кап'ёўшчыкаў, турнір лучнікаў, масавыя баі (бугурты). Яркай падзеяй другога фестывальнага дня стане поўнакантактны конны рыцарскі турнір па правілах XV стагоддзя. Пройдуць майстар-класы па сярэдневяковых танцах і рамёствах, арганізаваны інтэрактыўныя пляцоўкі і "горад майстроў". У гэтым годзе на фестывалі будзе рэканструявана плаўка руды па тэхналогіях IX стагоддзя, адкрыюцца майстэрні па вырабе даспехаў, ліцці ювелірных вырабаў, апрацоўцы каменя, вырабе зброі, ганчарныя і кавальскія майстэрні і многае іншае.

Арганізатарамі фестывалю выступаюць экстрым-тэатр "Берсерк", Аляксандр Рак і музейны комплекс старадаўніх народных рамёстваў і тэхналогій "Дудуткі".

БЕЛТА

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...