Савет Міністраў прадаўжае часовае ліцэнзаванне экспарту асобных відаў лесаматэрыялаў за межы Еўразійскага эканамічнага саюза. Гэта прадугледжана пастановай урада ад 18 ліпеня 2018 года нумар 541, паведамляе сайт урада.
Згодна з пастановай экспарцёрам асобных відаў лесаматэрыялаў неабходна атрымліваць генеральную або разавую ліцэнзію, што выдаецца ў Міністэрстве антыманапольнага рэгулявання і гандлю па ўзгадненні з Міністэрствам лясной гаспадаркі.
Мінлясгас узгадняе заяву аб выдачы ліцэнзіі на экспарт лесаматэрыялаў пры наяўнасці заключанага паміж міністэрствам і арганізацыяй пагаднення аб умовах паставак лесаматэрыялаў.
Міністэрству замежных спраў даручана паведаміць Еўразійскай эканамічнай камісіі аб прынятай меры, унесці на яе разгляд прапанову аб прымяненні іншымі дзяржавамі - членамі Еўразійскага эканамічнага саюза аналагічных мер, а таксама праінфармаваць Выканкам СНД аб прыняцці гэтай пастановы.
Асноўныя пункты пастановы ўступаюць у сілу праз дзесяць дзён пасля яе афіцыйнага апублікавання. Дакумент дзейнічае на працягу 6 месяцаў.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
