Вы тут

Фільм "Хрусталь" беларускі Дар'і Жук узяў Гран-пры Адэскага кінафестывалю


Фільм "Хрусталь" беларускі Дар'і Жук атрымаў Гран-пры Адэскага міжнароднага кінафестывалю, паведамілі ў цэнтры візуальных і выканальніцкіх мастацтваў "АРТ Карпарэйшн".


У асноўным конкурсе ў гэтым годзе было прадстаўлена 12 карцін з розных краін свету, сярод якіх - удзельнікі Канскага, Берлінскага і іншых фестываляў. Галоўны прыз вызначаўся шляхам глядацкага галасавання, фаварытам якога стала карціна рэжысёра Дар'і Жук. Фільм быў удастоены Гран-пры "Залаты Дзюк" і грашовага прыза ў памеры 10 тыс. еўра. "Гэта ўзнагарода вельмі шмат значыць для мяне, гэта мой першы фільм. Гэта вялікі падарунак і гонар для маёй каманды", - сказала на цырымоніі закрыцця Адэскага кінафестывалю Дар'я Жук. Узнагароджанне ўдзельнікаў прайшло ў Адэскім тэатры оперы і балета.

Дзеянне фільма "Хрусталь" адбываецца ў Беларусі ў 90-я гады. Паводле сюжэту дзяўчына-дыджэй марыць паехаць у Амерыку, але робіць памылку ў заяве на візу і цяпер вымушана правесці тыдзень у невялікім гарадку.

Здымкі фільма праходзілі ў Беларусі. "Хрусталь" зняты сумесна кінакампаніямі Беларусі, ЗША, Германіі і Расіі. Сусветная прэм'ера фільма адбылася 30 чэрвеня на кінафестывалі ў Карлавых Варах. Карціна была ўдастоена высокай ацэнкі замежных крытыкаў і прадаўжае атрымліваць запрашэнні на міжнародныя кінафестывалі. Таксама фільм быў выбраны беларускім оскараўскім камітэтам для вылучэння на прэмію Амерыканскай кінаакадэміі. Фільм "Хрусталь" выйдзе на беларускіх экранах 30 жніўня.

Дар'я Жук нарадзілася ў Мінску ў сям'і журналістаў. У 16 гадоў паехала ў ЗША, скончыла Гарвардскі і Калумбійскі ўніверсітэты, працавала на канале HBO. Рэжысёр і прадзюсар многіх кароткаметражных карцін, сярод якіх фільм "Сапраўдная амерыканка", што прымаў удзел у фестывалях па ўсім свеце і атрымаў дыплом Мінскага міжнароднага кінафестывалю "Лістапад-2015".

Адэскі міжнародны кінафестываль - адзін з самых значных кінафорумаў Усходняй Еўропы і буйнейшая кінападзея Украіны. Фестываль штогод збірае больш за 100 тыс. гледачоў і мноства замежных гасцей, у тым ліку зорак. Гасцямі фестывалю ў розныя гады былі акцёры Джон Малкавіч, Ізабэль Юпэр, рэжысёры Дарэн Аранофскі, Агнешка Холанд і многія іншыя ключавыя фігуры сучаснага кіно. У гэтым годзе прыз кінафестывалю за ўклад у кінамастацтва быў уручаны брытанскай актрысе Жаклін Бісэт.

БЕЛТА

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».