18 Жнівень, субота

Вы тут

Беларускія фермеры змогуць атрымаць 1000 еўра за экалагічную ініцыятыву


У Беларусі ўпершыню пройдзе нацыянальны этап міжнароднага конкурсу "Экалагічна дружалюбны фермер Балтыйскага рэгіёну - 2018" (BalticFarmeroftheYearAward).


Вось ужо дзесяць гадоў гэты конкурс праводзіцца для таго, каб папулярызаваць перадавыя практыкі сельскай гаспадаркі, якія з'яўляюцца дружалюбнымі для Балтыйскага рэгіёну. Ёсць і яшчэ адна мэта - падтрымаць фермераў і вытворцаў, якія імкнуцца змяншаць нагрузку на экалогію.

Конкурс арганізуе Сусветны фонд дзікай прыроды (WWF). Беларускія сельгасвытворцы атрымалі магчымасць удзельнічаць у ім упершыню. Ініцыявалі правядзенне конкурсу ў нашай краіне Цэнтр экалагічных рашэнняў" (Беларусь) і кааліцыя "Чыстая Балтыка" (Швецыя).

- Не сакрэт, што сельская гаспадарка з'яўляецца адной з асноўных крыніц забруджвання навакольнага асяроддзя, у прыватнасці, водных рэсурсаў. Асабліва распаўсюджана забруджванне вады ўгнаеннямі з утрыманнем азоту і фосфару, што выклікае "цвіценне"  вадаёмаў, уключаючы само Балтыйскае море. Я спадзяюся, што правядзенне гэтага конкурсу ў Беларусі стане адным з крокаў для прасоўвання і падтрымкі тых фермерскіх гаспадарак, якія надаюць належную ўвагу экалагічным аспектам у сваёй працы, - падкрэслівае дырэктар Цэнтра экалагічных рашэнняў Яўген ЛАБАНАЎ.

У конкурсе могуць удзельнічаць прадстаўнікі фермерскіх і іншых невялікіх сельскагаспадарчых вытворчасцей, якія знаходзяцца ў зоне вадазбору Балтыйскага мора ў Беларусі (Гродзенская, Віцебская і частка Мінскай абласцей). Больш падрабязныя ўмовы ўдзелу, а таксама заяўка на конкурс доступны па спасылцы.

Пераможца конкурсу атрымае прыз у 1000 еўра. Заяўкі на конкурс прымаюцца да 26 жніўня 2018 года.

Надзея НІКАЛАЕВА

Дадаць каментар

Выбар рэдакцыі

Грамадства

Выбіраем школьную форму разам з вучнямі

Выбіраем школьную форму разам з вучнямі

Штогод «Беллегпрам» выпускае да навучальнага года сотні мадэляў адзення. 

Грамадства

Як актыўная ацэнка заахвочвае да вучобы?

Як актыўная ацэнка заахвочвае да вучобы?

Гэтым летам у Акадэміі паслядыпломнай адукацыі прайшоў ужо другі фестываль актыўнай ацэнкі.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра жніво, Мулявіна і падатковага інспектара.

Эканоміка

Калі на Магілёўшчыне павысяцца надоі?

Калі на Магілёўшчыне павысяцца надоі?

Карэспандэнт «МС» паспрабавала разабрацца.