26-29 ліпеня на стыку межаў Беларусі, Латвіі і Расіі адбудзецца XXVII Міжнародны маладзёжны летнік "Бе-Lа-Русь", ідэйным натхняльнікам якога выступаюць Беларускі рэспубліканскі саюз моладзі, Саюз за прагрэс моладзі Латвіі і Расійскі саюз моладзі.
Па традыцыі, якая склалася ў апошняе дзесяцігоддзе, міжнародны маладзёжны палатачны гарадок размесціцца на тэрыторыі Беларусі, на лясной паляне ў гістарычным месцы недалёка ад Кургана Дружбы, насыпанага ў 1959 годзе ў памяць аб баявой садружнасці партызан Беларусі, Расіі і Латвіі.
Маладзёжны летнік збярэ больш за паўтысячы маладых людзей - прадстаўнікоў нацыянальных дэлегацый: актыў маладзёжных арганізацый краін-заснавальнікаў праекта, ветэранаў маладзёжнага руху і ганаровых гасцей. Дэвіз летніка -- "Дыхай на поўныя грудзі!"
Праграма ММЛ "Бе-Lа-Русь" традыцыйна насычана спартыўнымі мерапрыемствамі: пры любым надвор'і пройдуць спаборніцтвы па футболе, валейболе і дартсу. Упершыню будзе прапанава здаць нарматывы ГТА (гатовы да працы і адпачынку!), якія ўключаюць адцісканні ад падлогі, нахіл уперад са становішча стоячы з прамымі рукамі, прысяданні, практыкаванні для прэса, планку на локцях і... забіванне цвікоў! Кожны ўдзельнік будзе адзначаны памятным прызам, а найлепшыя ў асобных пазіцыях яшчэ і спецыяльнымі ўзнагародамі.
Асаблівую цікавасць выклікае творчы складнік лагера. Да прыкладу, фестываль "Бе-Lа-Рускія світанкі. - Добры дзень, Курган" мае на ўвазе крэатыўную прэзентацыю кожнай краіны ў розных жанрах мастацтва, а конкурс бівуакаў "У гасцях у казкі" -- арыгінальнае тэатралізаванае прадстаўленне і абарону. Упершыню ў лагеры адбудзецца конкурсна-забаўляльная праграма "Б.А.Я.Н." (Б-La-Рускае Асарці Яркіх і Знаходлівых) - сумесная творчая двухдзённая праца дзвюх зборных інтэрнацыянальных каманд.
Адыкрыццю і развіццю талентаў спрыяе праца творчых майстэрняў "Гэта вы можаце!", дзе больш дасведчаныя майстры навучаюць першагодак розным відам мастацтва. Да прыкладу, прадстаўнікі беларускай дэлегацыі падрыхтавалі майстар-класы па вырабе лялькі-абярэгу "Вандроўніца -- захавальніца", а таксама маляванні хной, бодзіарту і аквагрыму "Родныя ўзоры".
Асаблівы статус у лагеры займае каманда "Крутыя перцы". Многія яе ўдзельнікі стаялі ля вытокаў стварэння Міжнароднага маладзёжнага лагера "Бе-Lа-Русь" і сёння перадаюць моладзі традыцыі, якіх склалася нямала. Гэта , напрыклад, прысвячэнне навічкоў дубовымі галінкамі, развітальныя "Агульны круг" і "Малы круг", "Трубка міру" і многія іншыя. Важнае месца ў праграме лагера адводзіцца таксама мерапрыемствам патрыятычнай накіраванасці.
Задачай міжнароднага маладзёжнага праекта з'яўляецца развіццё і ўмацаванне супрацоўніцтва паміж моладдзю трох краін, прадастаўленне магчымасці маладым людзям рознабакова праявіць сябе ў творчых, спартыўных і адукацыйных мерапрыемствах, узаемадзеянне кіраўнікоў і лідараў маладзёжных арганізацый з мэтай абмену вопытам.
Штогод функцыі прымаючага боку перадаюцца аднаму з заснавальнікаў ММЛ "Бе-La-Русь". У гэтым годзе эстафета галоўнага арганізатара перайшла да Саюза за прагрэс моладзі Латвіі.
Надзея НІКАЛАЕВА
Мерапрыемства праводзіцца на добраахвотнай аснове.
Не выявіць ні секунды абыякавасці.