Вы тут

У Вязынцы пад Мінскам рэканструявалі ўчастак савецка-польскай мяжы


Невялікі мост на шляху да Купалаўскага мемарыяльнага запаведніка Вязынка стаў мінулай нядзеляй мостам у далёкія часы: на зялёных берагах з амаль стагадовай даўніны з'явіліся ўмацаванні з кулямётамі, праход прыпынілі тагачасныя памежнікі са зброяй. Каля радыёстанцыі завіхаўся сувязіст, а непадалёку са старога патэфона даносіліся даваенныя мелодыі...


— Калісьці Янка Купала праз бінокль пагранічнікаў разглядаў мясціны, дзе ён нарадзіўся, якія апынуліся «пад Польшчай», — расказаў мне кандыдат гістарычных навук Ігар Мельнікаў. Такім чынам навуковец растлумачыў, чаму месца для відовішчнай гістарычнай рэканструкцыі ўчастка дзяржаўнай мяжы паміж Польшчай і СССР выбралі менавіта бліз дома-музея народнага песняра ў Вязынцы.

З 1921-га да 1939 года дзяржаўная мяжа, што аддзяліла Заходнюю Беларусь ад Савецкай рэспублікі, праходзіла зусім недалёка ад Мінска. Гістарычная рэканструкцыя, адным з арганізатараў якой стаў Ігар Мельнікаў, нагадала аб гэтым.

Вайсковае адзенне, у якое былі апранутыя ўдзельнікі паказу, поўнасцю адпавядае ўзорам, зафіксаваным на архіўных фотаздымках. Што датычыцца зброі, то самыя дасканалыя на той час вінтоўкі, карабіны, кулямёты, наганы — усё гэта драўлянае, па-майстэрску скапіяванае і адпаведна пафарбаванае.

Самым цікавым момантам стаў тэатралізаваны праход гледачоў праз рэканструяваныя пункты пропуску.

Гістарычны фэст-рэканструкцыя стаў яскравым дапаўненнем да эстафеты святочных мерапрыемстваў, прысвечаных 100-гадоваму юбілею пагранічнай службы Беларусі.

Яўген ПЯСЕЦКІ

Фота аўтара

Каментары

Дзякуй вялікі за выдатны рэпартаж! Мы там былі. Ігар Мельнікаў - таленавіты гісторык і фэст зрабіў вельмі цікавы. Нам з сям'ёй вельмі спадабалася. Па болей бы такіх імпрэз. Спадзяюся, што зараз гэты фэст стане рэгулярным.

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.