Ялавічына, малочка, яйкі, рыба і фрукты — акрамя халадзільніка і абедзеннага стала, іх аб'ядноўвае сумная статыстыка харчовых атручванняў.
Нярэдка прычынай недамагання становяцца брудныя рукі. Бо адны з самых частых «пасажыраў» далоняў — гэта ўзбуджальнікі гепатыту А, герпесу, дызентэрыі, грыпу. Важна правільна мыць і самі прадукты. Напрыклад, курыцу. На яе мясе часта жывуць лістэрыі. Гэтыя бактэрыі могуць выклікаць гнойны менінгіт, эпілепсію, паўплываць на развіццё плода ў цяжарных, прыводзячы да гідрацэфаліі. Лістэрыі вельмі жывучыя і рухомыя. Калі інфіцыраваную птушку пакласці на пару гадзін у халадзільнік, лістэрыямі будуць заражаныя і ўсе астатнія прадукты.
У топ самых небяспечных з пункту гледжання цяжару і частаты атручванняў уваходзяць курыныя яйкі. Аднойчы да іх дакрануўшыся, трэба старанна мыць рукі, каб не падхапіць сальманелу.
Прадукты з тэрмінам захоўвання, які скончыўся, не менш небяспечныя. У кожнай прыгатаванай стравы ёсць свой тэрмін прыдатнасці. Боршч захоўваецца не больш за сем дзён. Смажаныя катлеты — 36 гадзін. Большасць салатаў з цяжкасцю пратрымаюцца суткі. Вінегрэт, напрыклад, пракісне ужо праз 18 гадзін. Таксама важна правяраць тэрміны прыдатнасці каля прылаўка перад пакупкай.
Алена КРАВЕЦ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
