Вы тут

Домрачава стала першым зорным паслом


Фонд «Дырэкцыя ІІ Еўрапейскіх гульняў 2019 года» абвясціў аб запуску інфармацыйнага праекта «Зорныя паслы ІІ Еўрапейскіх гульняў».

Першым уладальнікам гэтага тытула стала чатырохразовая алімпійская чэмпіёнка Дар'я Домрачава. Сертыфікат аб прысваенні звання зорнага пасла вядомай спартсменцы ў зале Алімпійскай славы Нацыянальнага алімпійскага камітэта ўручыў дырэктар фонду «Дырэкцыя ІІ Еўрапейскіх гульняў 2019 года» Георгій Катулін.


Домрачава адзначыла, што для яе вельмі ганарова стаць першым зорным паслом буйнога турніру. Дар'я не сумняваецца, што на ІІ Еўрапейскіх гульнях павінны заззяць новыя зоркі спорту, якія пасля будуць успамінаць беларускую сталіцу як горад, у якім яны дамагліся сваіх першых вялікіх поспехаў.

Георгій Катулін падкрэсліў, што прыярытэтнымі задачамі праекта з'яўляюцца прасоўванне і фарміраванне станоўчага іміджу ІІ Еўрапейскіх гульняў у Беларусі і за яе межамі, прыцягненне да іх грамадскай увагі, стымуляванне цікавасці жыхароў Беларусі і сусветнай грамадскасці да мультыспартыўнай падзеі, папулярызацыя відаў спорту, уключаных у праграму Еўрапейскіх гульняў.

У лік зорных паслоў увойдуць выдатныя асобы са свету спорту, мастацтва і культуры не толькі Беларусі, але і замежных краін. Услед за Дар'яй Домрачавай сертыфікаты зорных паслоў ІІ Еўрапейскіх гульняў атрымаюць вядомыя цыркавыя артысты браты Запашныя.

Дар'я Лабажэвіч

Фота: БЕЛТА

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.