Вы тут

У Гомелі дзяўчынка ледзь не выпала з акна


Пяцігадовая дзяўчынка ў Гомелі, якая была адна дома, выйшла на балкон дзявятага паверха і стала ў адкрытым акне. Нераўнадушныя мінакі выклікалі ратавальнікаў.


Выпадак адбыўся на вуліцы Кожара ўвечары ў аўторак. Адзін ратавальнік падняўся на дзявяты паверх і ўбачыў, што ўваходныя дзверы ў кватэру зачынены. Тады ён пачаў наладжваць кантакт з дзяўчынкай праз дзверы. У нейкі момант яна адышла ад расчыненага акна. Тут жа ў кватэру па аўталесвіцы праз акно трапіў другі ратавальнік.

Аб тым, што здарылася, супрацоўнікі МНС тут жа паведамілі маці. Аказалася, што яна, выходзячы з дома, папрасіла паглядзець за дзяўчынкай і дзевяцігадовым хлопчыкам сваю старэйшую сястру. Але яна таксама некуды пайшла. А пасля гуляць пайшоў хлопчык. "Ланцужок" адказных скончыўся — і так малая засталася дома адна.

Ратавальнікі дачакаліся прыходу маці.

— Кожны выпадак, калі дзеці застаюцца без нагляду дарослых, мы расцэньваем як надзвычайную сітуацыю, — паведаміў афіцыйны прадстаўнік ведамства Віталь Навіцкі.

Нагадаем, што 10 ліпеня трагедыя па аналагічным сцэнарыі ледзь не разыгралася ў Мінску: пяцігадовы хлопчык, які таксама быў адзін дома, вываліўся з акна сёмага паверха. Малога паспелі злавіць у коўдру, ад падзення ён атрымаў траўмы.

Валяр'ян ШКЛЕННІК

Выбар рэдакцыі

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.