Вы тут

Працуе Міжнародная школа па падрыхтоўцы да рэагавання на НС


Арганізатарам мерапрыемства выступіла Беларускае таварыства Чырвонага Крыжа. Падобнае навучанне праходзіць ужо сёмы раз. Школа будзе доўжыцца да 29 ліпеня. Заняткі праходзяць на базе Інстытута перападрыхтоўкі і павышэння кваліфікацыі МНС у Барысаўскім раёне.


Ва ўрачыстай цырымоніі адкрыцця прынялі ўдзел міністр інфармацыі Аляксандр Карлюкевіч, генеральны сакратар БТЧК Вольга Мычко.

— Мэта школы — адпрацаваць механізмы ўзаемадзеяння і каардынацыі валанцёрскіх атрадаў БТЧК з зацікаўленымі дзяржаўнымі, міжнароднымі і грамадскімі арганізацыямі ва ўмовах прыбыцця ў краіну вялікага ліку вымушаных перасяленцаў і мігрантаў, — падкрэсліла Вольга Мычко.

Сёлета на тэрыторыі Беларусі сабраліся каманды нацыянальных таварыстваў Чырвонага Крыжа з 10 краін, сярод якіх Балгарыя, Латвія, Літва, Расія, Таджыкістан, Украіна. Дарэчы, прадстаўнікам апошняй прыйшлося прайсці жорсткі конкурсны адбор: з 400 ахвотных адабралі ўсяго 10 чалавек. Упершыню да мерапрыемства далучыліся валанцёры з Ірана.

У праграме школы — практычныя трэнінгі, накіраваныя на выратаванне ў цяжкадаступных месцах і завалах, аказанне першай дапамогі вялікай колькасці пацярпелых, адпрацоўка алгарытму дзеянняў пры хімічных і радыяцыйных аварыях. Кульмінацыяй стануць 24-гадзінныя палявыя вучэнні. Згодна з легендай, камандам неабходна арганізаваць пункты часовага размяшчэння і транзітныя лагеры для вялікай колькасці вымушаных перасяленцаў на фоне шматлікіх дарожных аварый і крызісных сітуацый.

У рабоце школы задзейнічаны прадстаўнікі Міжнароднай федэрацыі Чырвонага Крыжа і Чырвонага Паўмесяца, МНС, МУС, Міжнароднай арганізацыі па міграцыі, Фонду ААН у галіне народанасельніцтва, упраўлення Вярхоўнага камісара ААН па справах бежанцаў ААН, Фонду ААН у галіне народанасельніцтва. З іх удзелам пройдзе семінар па пытаннях арганізацыі дапамогі вымушаным перасяленцам і мігрантам ва ўмовах сучасных выклікаў.

Дар'я КАСКО

Загаловак у газеце: Апярэджваючы пагрозы

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.