Вы тут

Беларусь прыме этап «Экалагічна дружалюбнага фермера Балтыйскага рэгіёна»


У Беларусі ўпершыню пройдзе нацыянальны этап міжнароднага конкурсу «Экалагічна дружалюбны фермер Балтыйскага рэгіёна — 2018». Конкурс традыцыйна праводзіць Сусветны фонд дзікай прыроды (WWF), аднак беларускія сельгасвытворчасці могуць удзельнічаць у ім сёлета ўпершыню. Ініцыявала правядзенне конкурсу ў Беларусі ўстанова «Цэнтр экалагічных рашэнняў» (Беларусь) і кааліцыя «Чыстая Балтыка» (Швецыя), паведамляецца на сайце ЦЭР.


Вось ужо дзесяць гадоў гэты конкурс праводзіцца для таго, каб папулярызаваць перадавыя практыкі сельскай гаспадаркі, якія з'яўляюцца дружалюбнымі для Балтыйскага рэгіёна. Ёсць і яшчэ адна мэта — падтрымаць фермераў і вытворцаў, якія імкнуцца зніжаць экалагічную нагрузку.

— Не сакрэт, што сельская гаспадарка з'яўляецца адной з асноўных крыніц забруджвання навакольнага асяроддзя, у прыватнасці водных рэсурсаў. Асабліва распаўсюджанае забруджванне вады ўгнаеннямі з азотам і фосфарам, што выклікае эўтрафікацыю — «бросненне» вадаёмаў, уключаючы само Балтыйскае мора. Я спадзяюся, што правядзенне гэтага конкурсу ў Беларусі стане адным з крокаў да прасоўвання і падтрымкі тых фермерскіх гаспадарак, якія ўдзяляюць увагу экалагічным пытанням у сваёй працы, — каментуе дырэктар Цэнтра экалагічных рашэнняў Яўген Лабанаў.

У конкурсе могуць удзельнічаць прадстаўнікі фермерскіх і іншых невялікіх сельскагаспадарчых вытворчасцяў, якія знаходзяцца ў зоне вадазбору Балтыйскага мора ў Беларусі (Гродзенская, Віцебская і частка Мінскай абласцей). Больш падрабязныя ўмовы ўдзелу, а таксама заяўка на конкурс даступныя па спасылцы есоfеrmеr.tіldа.ws.

Пераможца конкурсу атрымае прыз у 1000 еўра. Заяўкі на конкурс прымаюцца да 26 жніўня 2018 года.

Вераніка ПУСТАВІТ

Загаловак у газеце: Грошы на ініцыятыву

Выбар рэдакцыі

Эканоміка

Ці патаннее жыллё ў наступным годзе?

Ці патаннее жыллё ў наступным годзе?

А што ў сталіцы — тое і ў рэгіёнах.

Спорт

Спартыўны псіхолаг Кацярына Буча распавядае, ці лёгка вырасціць чэмпіёна

Спартыўны псіхолаг Кацярына Буча распавядае, ці лёгка вырасціць чэмпіёна

Як правільна вызначыць від спорту, які падыходзіць для вашага дзіцяці, ці варта ўвогуле прымушаць яго хадзіць на трэніроўкі?

Грамадства

«На паводзіны Любы не было нараканняў». Наколькі складана выхоўваць дзіця з сіндромам Даўна

«На паводзіны Любы не было нараканняў». Наколькі складана выхоўваць дзіця з сіндромам Даўна

Даша нарадзіла раней за тэрмін з дапамогай кесаравага сячэння. 

Грамадства

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

Яны з розных прычын засталіся без дому і сродкаў на пражыванне.